استانادا 26 جاستاعى جىگىتتىڭ جۇرەگى اۋىستىرىلدى
ونىڭ ەمى تەك جۇرەك اۋىستىرۋ بولاتىن. ناۋقاسقا دونور الماتىدان تابىلدى. مي ءولىمى راستالعان ازامات ءولىم مەن ءومىر اراسىنداعى ءتورت ادامدى قۇتقاردى.
بۇيرەگى مەن باۋىرى الماتىداعى اعزاعا مۇقتاج ءۇش جانعا، جۇرەگى ۇلانعا سالىندى.
ماحاببات بەكبوسىنوۆا، «ۇلتتىق عىلىمي كارديوحيرۋرگيالىق ورتالىعى» ا ق باسقارما ءتوراعاسىنىڭ ورىنباسارى:
بيىل 4 ادامنىڭ جۇرەگى اۋىستىرىلدى. ەڭ العاشقى دونور استانادان بولسا، كەيىنگىلەرى الماتى، قوستاناي، پەتروپاۆلدان تابىلدى. 4 ادام 16 ادامعا ءومىر سىيلادى.
ايتا كەتۋ كەرەك، بۇل - ەلىمىزدە جاسالعان التىنشى جۇرەك ترانسپلانتاتسياسى. قازىر ەڭ العاش رەت جۇرەگى اۋىستىرىلعان استانالىق جانىبەك وسپانوۆ پەن قاراعاندىلىق بولات يسايەۆ تاعدىرلاس باۋىرلارى ۇلانمەن بىرگە بار قيىندىقتىڭ ارتتا قالعانىن قۋانىپ ەسكە الادى.
يۋريي پيا، «ۇلتتىق عىلىمي كارديوحيرۋرگيالىق ورتالىعى» ا ق باسقارما ءتوراعاسى:
كەزەكتە تۇرعان ادام كوپ. ولاردىڭ بارلىعى دونوردان ءۇمىتىن ۇزبەيدى. الايدا، تابىلعان جۇرەك ولاردىڭ بارلىعىنا سايكەس كەلە بەرمەيدى. ناۋقاستاردىڭ قانى، دەنە سالماعى، بويى، جۇرەگىنىڭ كولەمى، ءتىپتى، قان تامىرلارىنا دەيىن سايكەس كەلۋى ءتيىس.
ساۋلە الدامۇرات قىزى
«قازاقستان» تەلەارناسى
