وڭتۇستىك كورەيادا وتەتىن ازيادادا قازاقستان 26 التىن مەدال ەنشىلەۋدى جوسپارلاۋدا

استانا. قازاقپارات - وڭتۇستىك كورەيانىڭ ينچحون قالاسىندا وتەتىن 17- جازعى ازيادا ويىندارىندا قازاقستان قۇراماسى 26 التىن مەدال ەنشىلەۋدى جوسپارلاۋدا.
None
None

بۇل تۋرالى بۇگىن ق ر سپورت ىستەرى جانە دەنە شىنىقتىرۋ اگەنتتىگى ءتوراعاسىنىڭ ورىنباسارى ەلسيار قاناعاتوۆ ءمالىم ەتتى.

«ءبىزدىڭ مىندەتىمىز سپورتتىڭ 15 تۇرىنەن 26 التىن مەدال جەڭىپ الۋ. بۇل قازاقستان قۇراماسىنىڭ جالپى كوماندالىق ەسەپتە 4- ورىنعا تۇراقتاۋىنا مۇمكىندىك بەرەدى» ، - دەدى ول.

 ونىڭ سوزىنە قاراعاندا، اگەنتتىك جەڭىل اتلەتيكا، اۋىر اتلەتيكا، بايداركا مەن كانوە ەسۋدەن سپورتشىلارىمىزدىڭ جوعارى ناتيجە كورسەتىندىگىنە سەنىم ارتىپ وتىر. جالپى، سپورتتىڭ 30 تۇرىنەن ساڭلاقتارىمىز جۇلدەلى ورىندارعا يە بولاتىندىعىنا سەنىم بار.

«تولىقتاي العاندا، سپورتتىڭ 39 تۇرىنەن 400-410 سپورتشى قاتىساتىندىعى جوسپارلانۋدا. بۇل وتكەن ازيادا ويىندارىنا قاراعاندا 40-50 ادامعا جانە سپورتتىڭ 3 تۇرىنە ارتىق» ، - دەدى ە. قاناعاتوۆ.

 ايتا كەتەيىك، 17- ازيادا ويىندارى قىركۇيەكتىڭ 19 ى مەن قازاننىڭ 4 ءى ارالىعىندا وتەدى. وسى جولعى ويىندارعا الەمنىڭ 45 ەلىنەن 13 مىڭنان استام سپورتشى مەن جاتتىقتىرۋشى قاتىسادى. ازيادا ويىندارىنان 7 مىڭ ب ا ق وكىلى حابار تاراتادى.

اۆتور: مارلان جيەمباي

سوڭعى جاڭالىقتار