الماتى قالاسىنىڭ بيۋدجەتى 265,4 ميلليارد تەڭگەگە ۇلعايدى

الماتى. قازاقپارات - الماتى قالاسى ءماسليحاتىنىڭ دەپۋتاتتارى مەگاپوليستىڭ ءۇش جىلعا ارنالعان ناقتىلانعان بيۋدجەتىن بەكىتتى، دەپ حابارلايدى قازاقپارات ءتىلشىسى.

ەربولات دوسايەۆ ءماسليحاتتىڭ كەزەكتەن تىس سەسسياسىندا 2023-2025 -جىلدارعا ارنالعان قالا بيۋدجەتى الماتىنى دامىتۋ باعدارلاماسىنىڭ نەگىزگى باسىمدىقتارى نەگىزىندە قالىپتاسقانىن اتاپ ءوتتى.

«وسى جىلدىڭ 1- توقسانىندا ەكونوميكانىڭ قارقىندى دامۋى بيۋدجەتتى ناقتىلاۋعا نەگىز بولدى. قىسقا مەرزىمدى ەكونوميكالىق ينديكاتور % 23,9- كە ءوستى. ساۋدا (%29,4)، وڭدەۋ ونەركاسىبى (% 24,5)، كولىك (%21,8) سالالارى ەكونوميكا ءوسىمىنىڭ درايۆەرلەرى بولدى. ەكونوميكانىڭ دامي ءتۇسۋى مەملەكەتتىك بيۋدجەتكە تۇسەتىن تۇسىمدەردى % 32,1- كە ارتتىردى (بارلىعى 1 241,1 ميلليارد تەڭگە سالىق جانە مىندەتتى تولەمدەر (%132,1)، ونىڭ ىشىندە رەسپۋبليكالىق بيۋدجەت - 941,8 ميلليارد تەڭگە (%139,3)، جەرگىلىكتى بيۋدجەت - 299,3 ميلليارد تەڭگە (%133,5). سىزدەرگە بيۋدجەتتى ناقتىلاۋعا ۇسىنىلعان 265,4 ميلليارد تەڭگە وسى جىلدىڭ 1- توقسانىنداعى قوسىمشا كىرىستى قالىپتاستىرۋ، بيۋدجەت قاراجاتىن ىشتەي قايتا ءبولۋ جانە وتكەن جىلدىڭ بوس قالدىقتارى ەسەبىنەن جۇرگىزىلۋدە»، - دەدى قالا اكىمى.

ايتۋىنشا، قوسىمشا قاراجات نەگىزىنەن كولىك ينفراقۇرىلىمىن قالىپتاستىرۋعا، تۇرعىن ءۇي- كوممۋنالدىق شارۋاشىلىق ينفراقۇرىلىمىن مودەرنيزاتسيالاۋعا، الەۋمەتتىك قامتۋعا، ءبىلىم بەرۋ مەن دەنساۋلىق ساقتاۋدى دامىتۋعا، قالانى اباتتاندىرۋعا جانە كوگالداندىرۋعا باعىتتالاتىن بولادى.

سونىمەن قاتار ەربولات دوسايەۆ اكىمدىكتىڭ باستاماسىمەن جانە مەملەكەت باسشىسىنىڭ قولداۋىنىڭ ارقاسىندا 1- ساۋىردەن باستاپ اۋداندىق اكىمدىكتەرگە قالالىق دەڭگەيدەن قوسىمشا 15 فۋنكسيا بەرىلگەنىن تىلگە تيەك ەتتى. وسى ورايدا، وكىلەتتىكتەردى ورتالىقسىزداندىرۋ شەڭبەرىندە جانە اعىمداعى ناقتىلاۋدى ەسكەرە وتىرىپ، 8 اۋداندىق اكىمدىكتىڭ 2023 -جىلعا ارنالعان بيۋدجەتتەرى 60,4-تەن 164,5 ميلليارد تەڭگەگە دەيىن 2,7 ەسە كوبەيەدى. بۇدان باسقا اۋدان اكىمدىكتەرىنىڭ شتات سانى 152 بىرلىككە ۇلعايدى، ونىڭ ىشىندە جاڭاسى - 56، 96-ى قالالىق باسقارمالاردان بەرىلدى.

«وسى شارالاردىڭ ارقاسىندا اۋدان اكىمدىكتەرىندە جاڭا مۇمكىندىكتەر مەن قوسىمشا قارجى رەسۋرستارى پايدا بولادى، شەشىمدەر قابىلداۋ جىلدامدىعى مەن ساپاسى جاقسارادى ءارى اۋدان اكىمدەرىنىڭ حالىق الدىنداعى جاۋاپكەرشىلىگى ارتادى»، - دەدى ەربولات دوسايەۆ.