10:05, 01 - قىركۇيەك 2018 | GMT +5
وزبەكستان پرەزيدەنتى 261 تۇتقىنعا راقىمشىلىق جاسادى
تاشكەنت. قازاقپارات - وزبەكستان پرەزيدەنتى شاۆكات ميرزيەيەۆ مەملەكەت تاۋەلسىزدىگىنىڭ 27 جىلدىعىنا وراي 261 تۇتقىنعا راقىمشىلىق جاسادى.
بۇل تۋرالى uza.uz اگەنتتىگى حابارلادى.
پرەزيدەنت جارلىعىنا سايكەس جازانى ورىنداۋ مەكەمەلەرىنەن 215 ادام بوساتىلادى، سونداي-اق 46 ادامنىڭ تۇتقىندالۋ مەرزىمى قىسقارتىلاتىن بولادى.
ءتيىستى مينيسترلىكتەر مەن ۆەدومستۆولارعا راقىمشىلىق جاسالعان تۇلعالاردىڭ الەۋمەتتىك جاعىنان بەيىمدەلۋىنە، ولاردىڭ پايدالى ەڭبەككە تارتىلۋىنا، قوعامنان لايىقتى ورىندارىن تابۋىنا كومەك كورسەتۋ تاپسىرىلدى.
