07:40, 26 - شىلدە 2016 | GMT +6
جاپونيادا 26 جاستاعى جىگىت 19 ادامدى پىشاقتاپ ءولتىردى
استانا. قازاقپارات - جاپونيانىڭ كاناگاۆا پرەفەكتۋراسىندا مۇمكىندىگى شەكتەلۋى جاندارعا ارنالعان عيماراتقا بەلگىسىز ەر كىسى كىرىپ، 19 ادامدى پىشاقتاپ ءولتىردى، دەپ حابارلادى ت ا س س اگەنتتىگى ەلدىڭ ءورت ءسوندىرۋ باسقارماسىنا سىلتەمە جاساي وتىرىپ.
قازىرگى ۋاقىتتا جەرگىلىكتى پوليتسيا 15 ادامنىڭ مەرت بولعانى تۋرالى رەسمي اقپارات بەردى. 45 ادام زارداپ شەككەن، ونىڭ 20 سى وتە اۋىر حالدە.
قىلمىسكەر بەرىلدى، دەپ حابارلادى NHK تەلەارناسى.
«26 جاستاعى ەر ادام وقيعادان كەيىن 1 ساعاتتان سوڭ پوليتسياعا ءوزى بارعان. ءبىر اقپاراتتا ونىڭ سول مەكەمە قىزمەتكەرى بولىپ جۇمىس ىستەگەنى ايتىلدى»، - دەلىنگەن تەلەارنا تاراتقان اقپاراتتا.
