الماتىدا قاڭتار وقيعاسىنا قاتىسقان 25 ادامعا سوت ۇكىمى شىقتى
سوتتىڭ مالىمەتىنشە، 25-ايىپتالۋشى 2022-جىلدىڭ 4-5- قاڭتار ارالىعىندا الماتى قالاسىنىڭ ءار جەرىندە جاپپاي تارتىپسىزدىككە قاتىسىپ، اسا ءىرى مولشەردە ۇرلىق جاساعان، تۇرعىن ءۇي، قىزمەتتىك جانە وندىرىستىك ءۇي-جايعا زاڭسىز كىرىپ، ءىرى زالال كەلتىرە وتىرىپ كولىك قۇرالدارىن ايداپ اكەتكەن.
سوتتالۋشىلار قاۋىپتى وندىرىستىك نىسانىڭ اۋماعىنا، ارنايى ورگاندار كۇزەتەتىن باسقا دا نىساندارعا زاڭسىز كىرىپ، ايتارلىقتاي زالال تيگىزدى دەپ ايىپتالىپ وتىر.
سونداي-اق، ولاردىڭ الدىن الا ءسوز بايلاسۋ ارقىلى اتىس قارۋلارىن ۇرلاپ اكەتكەنى جانە جاپپاي تارتىپسىزدىك كەزىندە بيلىك وكىلدەرىنىڭ دەنساۋلىعىنا زالال تيگىزىپ، ولاردىڭ مۇلكىن ءبۇلدىرىپ، جويعانى انىقتالدى. ⠀
جازا تاعايىنداۋ كەزىندە مىناداي ءمان-جاي ەسكەرىلدى: سوتتالۋشىلاردىڭ كىناسىن تولىق جانە جارتىلاي مويىنداۋى، بۇرىن سوتتالماعانى، جەكە باسى، جاس مولشەرى، قۇقىقبۇزۋشىلىق جاساعانعا دەيىنگى جانە ودان كەيىنگى مىنەز-قۇلقى، كامەلەتكە تولماعان بالالارىنىڭ بولۋى، قىلمىستىق قۇقىق بۇزۋشىلىقتىڭ قوعامدىق قاۋپىنىڭ سيپاتى مەن دارەجەسى، قىلمىستىق قۇقىق بۇزۋشىلىقتى توتەنشە جاعداي كەزىندە جاساۋى. ⠀
«20 ازاماتقا راقىمشىلىق زاڭى قولدانىلىپ، 9 ايدان 1 جىل 9 ايعا دەيىنگى مەرزىمگە شارتتى جازا تاعايىندالدى. 4 تۇلعاعا راقىمشىلىق تۋرالى زاڭ قولدانىلىپ، وسىعان بايلانىستى ولار جازادان بوساتىلدى. ءبىر ازامات قايتىس بولۋىنا بايلانىستى قىلمىستىق جاۋاپكەرشىلىكتەن بوساتىلدى»، - دەپ حابارلادى قالالىق سوتتىڭ باسپا ءسوز قىزمەتىنەن.
