وزبەكستان الەمدەگى ەڭ قوناقجاي 25 ەلدىڭ قاتارىنا كىردى
رەيتينگ ازاماتتاردىڭ ەلگە ۆيزاسىز كىرۋىن ەسكەرەدى. وزبەكستان رەيتينگتە 25- ورىن الىپ، ورتالىق ازيانىڭ ەڭ قوناقجاي ەلى اتاندى.
رەيتينگكە سايكەس، الەمنىڭ 139 ەلى وزبەكستانعا ۆيزاسىز كەلە الادى نەمەسە ونى كەلگەن سوڭ الا الادى.
ورتالىق ازيا ەلدەرىنىڭ اراسىندا تاجىكستان 49- ورىندا (87 مەملەكەتتىڭ ازاماتتارى ۆيزاسىز كەلە الادى)، قىرعىزستان – 53- ورىندا (80 ەل)، قازاقستان - 54-ورىندا (77 ەل).
بۇل تىزىمدە 22 مەملەكەت كوشباسشى، ولاردىڭ باسىم بولىگى افريكا قۇرلىعىندا ورنالاسقان (نيگەريا، ەفيوپيا، گابون، رۋاندا، دجيبۋتي جانە ت. ب.). مالديۆ، كامبودجا مەن كومور ارالدارى دا ءبىرىنشى ورىندا. 198 مەملەكەتتىڭ ازاماتتارى وسى ەلدەرگە ۆيزاسىز بارا الادى.
رەيتينگى تۇرىكمەنستان، اۋعانستان مەن سولتۇستىك كورەيا تۇيىندەپ تۇر - بۇل ەلدەرگە ۆيزاسىز كىرۋگە رۇقسات جوق.
بۇعان دەيىن حابارلانعانداي، وزبەكستاندا جاڭا جىلدىڭ ءبىرىنشى ايىندا شەتەلدىك تۋريستەر اعىنى 2,5 ەسە وسكەن.
