دەمالىس كۇندەرى بوران سوعىپ، 25 گرادۋسقا دەيىن اياز ساقتالادى

استانا. قازاقپارات - قازگيدرومەت ماماندارى 24-26-جەلتوقسان ارالىعىنا ارنالعان اۋا رايى بولجامىن ۇسىندى، دەپ حابارلايدىت قازاقپارات.

تاياۋداعى ءۇش تاۋلىكتە قازاقستان اۋماعىنىڭ باسىم بولىگى جوعارى اتموسفەرالىق قىسىم ىقپالىندا بولادى.

سوندىقتان جاۋىن- شاشىن جاۋمايدى.

دەگەنمەن ەلىمىزدىڭ سولتۇستىك جانە شىعىس وڭىرلەرىندە اتلانتيكا سيكلونى ءجۇرىپ وتەدى.

سونىڭ اسەرىمەن قار جاۋىپ، بۇرقاسىن سوعادى، جەل كۇشەيەدى.

24-جەلتوقسان كۇندىز رەسپۋبليكانىڭ سولتۇستىگىندە كوكتايعاق بولادى.

ەلىمىزدىڭ وڭتۇستىگى مەن وڭتۇستىك- شىعىسىندا تۇمان تۇسەدى.

اۋا تەمپەراتۋراسى تۇندە باتىستا 3-8 ايازدان 8-13 ايازعا دەيىن، سولتۇستىك، سولتۇستىك- باتىس جانە ورتالىقتا 5-13 ايازدان 10-25 ايازعا دەيىن تومەندەيدى.

شىعىستا 15-23 ايازدان 10-18 ايازعا دەيىن اۋىتقيدى، وڭتۇستىك جانە وڭتۇستىك- شىعىستا 5-25 ايازدان 0-15 ايازعا دەيىن بىرتىندەپ جوعارىلايدى.