اپتاپ، نايزاعاي، جەل: 25-تامىزعا ارنالعان اۋا رايى بولجامى

نۇر- سۇلتان. قازاقپارات - سولتۇستىك باتىس انتيسيكلونىنىڭ اسەرىنەن بۇگىن دە قازاقستاننىڭ باسىم بولىگىندە جاۋىن- شاشىنسىز اۋا رايى ساقتالادى، دەپ حابارلايدى قازاقپارات.

قازگيدرومەت مالىمەتىنشە، تەك ەلىمىزدىڭ وڭتۇستىك- شىعىسىندا، شىعىسىندا، سولتۇستىگىندە اتموسفەرالىق فرونتتارعا بايلانىستى جاڭبىر جاۋىپ، نايزاعاي وينايدى.

رەسپۋبليكا بويىنشا كەي جەرلەردە جەل كۇشەيەدى، تۇنگى جانە تاڭعى ۋاقىتتا ەلىمىزدىڭ شىعىسىندا تۇمان تۇسەدى.

قىزىلوردا وبلىسىندا، تۇركىستان وبلىسىنىڭ باسىم بولىگىندە، باتىس قازاقستان وبلىسىنىڭ وڭتۇستىك- باتىسىندا، اتىراۋ وبلىسىنىڭ باتىسىندا، شىعىسىندا، اباي وبلىسىنىڭ وڭتۇستىگىندە توتەنشە ءورت قاۋپى ساقتالادى.

كۇندىز اتىراۋ وبلىسىنىڭ باسىم بولىگىندە، باتىس قازاقستان وبلىسىنىڭ وڭتۇستىك- باتىسىندا قاتتى ىستىق ساقتالادى.

نۇر- سۇلتان قالاسىندا كوشپەلى بۇلت شىعادى، جاۋىن- شاشىن جاۋمايدى. سولتۇستىكتەن جەل سوعادى، ەكپىنى - تۇندە 2-7، كۇندىز 7-12 م/س. اۋا تەمپەراتۋراسى تۇندە 6-8، كۇندىز 23-25 گرادۋس جىلى بولادى.

الماتى قالاسىندا دا اسپان كوشپەلى بۇلتتى، تاڭەرتەڭ جانە كۇندىز جاڭبىر جاۋادى. وڭتۇستىك- شىعىستان جەل سوعادى، قارقىنى 13 م/س جەتەدى. اۋانىڭ تەمپەراتۋراسى تۇندە 14-16، كۇندىز 24-26 گرادۋس جىلى بولادى.

شىمكەنت قالاسىندا كوشپەلى بۇلت، جاۋىن- شاشىنسىز. سولتۇستىك- شىعىستان جەل سوعادى، كۇشى - 8-13 م/س. اۋا تەمپەراتۋراسى تۇندە 14-16، كۇندىز 30-32 گرادۋس جىلى بولادى.