قاڭتار وقيعاسىنا قاتىستى دەگەن كۇدىكپەن 25 ادامدى قىزعان ۇتىكپەن ازاپتاعان
«رۇقسات ەتىلمەگەن تەرگەۋ ادىستەرى فاكتىلەرىمەن تىركەلگەن قىلمىستىق ىستەرگە ەرەكشە نازار اۋدارىلۋدا. قازىرگى ۋاقىتتا 8 رەزونانستى ءىستى ارنايى پروكۋرورلار تەرگەپ جاتىر. بۇل ىستەر بويىنشا 15 قۇقىق قورعاۋ جانە ارنايى ورگانداردىڭ قىزمەتكەرلەرى كۇدىكتى رەتىندە تانىلدى، ونىڭ 9 ى قاماۋدا. اتاپ ايتقاندا، الماتى وبلىسىندا قىزعان ۇتىكتى پايدالانۋ ارقىلى ازاپتاۋ ءىسى بويىنشا 25 ادام جابىرلەنگەنى انىقتالدى. بارلىق ارىزدانۋشىلار ازاپتاۋدى قولدانۋدىڭ ۇقساس ءتاسىلىن سيپاتتادى»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.
سەرىك شالابايەۆتىڭ ايتۋىنشا، جەدەل- تەرگەۋ ارەكەتتەردىڭ ناتيجەسىندە ارنايى پروكۋرورلار 5 پوليسيا قىزمەتكەرىنىڭ ۇتىكپەن ازاپتاۋعا قاتىسى بار ەكەندىگى انىقتالعان. ولاردىڭ ۇشەۋى كىناسىن مويىنداپ وتىر.
«ۇلتتىق قاۋىپسىزدىك كوميتەتى الماتى وبلىستىق دەپارتامەنتىنىڭ ەكى قىزمەتكەرىنە قاتىستى تەرگەۋ ارەكەتتەرىن اياقتادىق. ولار ۇستالعان ادامدى ۇرىپ- سوعىپ، ولتىرگەن دەگەن كۇدىككە ءىلىندى»، - دەدى قىزمەت باستىعى.
اۆتور: مارلان جيەمباي
