قازاقستاندا دەمالىس كۇندەرى 25 گرادۋسقا دەيىن جىلى بولادى

نۇر-سۇلتان. قازاقپارات - «قازگيدرومەت» ر م ك قازاقستاندا 2-4-ءساۋىر كۇندەرى ارالىعىندا اۋا رايى قانداي بولاتىنىن ءمالىم ەتتى، دەپ حابارلايدى قازاقپارات.

«الداعى دەمالىس كۇندەرى باتىستان كەزەكتى اتلانتيكا سيكلونى ىعىسىپ، جاۋىن-شاشىن اكەلەدى. ەلىمىزدىڭ باتىسىندا جانە سولتۇستىگىندە جەل كۇشەيىپ، جاڭبىر جاۋادى. رەسپۋبليكانىڭ باسقا بولىگىندە قىسىمنىڭ جوعارى بولۋىنا بايلانىستى جاۋىن-شاشىن بولمايدى. يراننان جىلجىپ كەلەتىن جىلى اۋا ماسسالارىمەن قازاقستاننىڭ بارلىق اۋماعىندا اۋا تەمپەراتۋراسى كوتەرىلەدى: باتىستا 15+23+ گرادۋسقا دەيىن، سولتۇستىكتە، ورتالىقتا جانە شىعىستا 8+18+ گرادۋسقا دەيىن، رەسپۋبليكانىڭ وڭتۇستىگىندە 17+25+ گرادۋسقا دەيىن جىلى بولادى»، - دەلىنگەن سينوپتيكتەر حابارلاماسىندا.