الداعى ءۇش كۇندە 25 گرادۋسقا دەيىن اياز بولادى

نۇر-سۇلتان. قازاقپارات - قازگيدرومەت ماماندارى 18-20-قاراشا ارالىعىندا ەل اۋماعىندا اۋا رايى قانداي بولاتىنىن ايتتى، دەپ حابارلايدى قازاقپارات.

18-19-قاراشادا انتلانتيكالىق سيكلون جانە اتموسفەرالىق فرونتتاردىڭ اسەرىنەن قازاقستاننىڭ باسىم بولىگىندە تۇراقسىز اۋا رايى ساقتالادى، قار جاۋادى.

شىعىس قازاقستان وبلىسىنىڭ سولتۇستىك- شىعىسىندا قاتتى جاۋىن- شاشىن بولجانادى. رەسپۋبليكا بويىنشا تۇمان، كوكتايعاق، سونداي-اق ەلىمىزدىڭ سولتۇستىك جارتىسىندا بۇرقاسىن بولىپ، ەكپىندى جەل سوعادى. 20-قاراشادا سۋىق سولتۇستىك- باتىس انتيسيكلون كەلەدى، سونىڭ ىقپالىمەن رەسپۋبليكانىڭ باسىم بولىگىندە جاۋىن- شاشىن توقتايدى.

الايدا ەلدىڭ باتىسى مەن سولتۇستىك- باتىسىندا كەزەكتى سيكلوننىڭ سالدارىنان قايتادان جاۋىن- شاشىن (جاڭبىر، قار) جاۋادى.

اۋا تەمپەراتۋراسىنىڭ اۋىتقۋى قازاقستاننىڭ باتىسىندا تۇندە 0-5-تەن 5- 10-عا دەيىن اياز، سولتۇستىك- باتىستا، سولتۇستىكتە، ورتالىقتا 5-15-تەن 15-25-كە دەيىن اياز، وڭتۇستىك وڭىرلەردە 5-13-تەن 8-16-عا دەيىن اياز، شىعىستا 2-10-نان 15-25-كە دەيىن اياز بولادى.