قازگيدرومەت: ماۋسىمنىڭ 25- كۇنگى اۋا رايى بولجامى
كاسىپورىننىڭ مالىمەتتەرىنە قاراعاندا، 25-ماۋسىم كۇنى تسيكلون جانە ونىمەن بايلانىستى اتموسفەرالىق اعىندار رەسپۋبليكانىڭ شىعىس بولىگىنە اسەر ەتىپ، سوعان بايلانىستى جاڭبىر، بۇرشاق جاۋىپ، نايزاعاي وينايدى. جەل كۇشەيىپ، وڭتۇستىكتە ول شاڭدى داۋىلعا ۇلاسادى.
رەسپۋبليكانىڭ سولتۇستىگى مەن سولتۇستىك- شىعىستىڭ كەي بولىگىندە تۇمان تۇسەدى. باتىستا كۇن جاۋىن- شاشىنسىز جانە اپتاپ ىستىق بولادى.
الماتى، جامبىل وبلىستارىنىڭ كەي جەرلەرىندە بۇرشاق جاۋىپ، جەلدىڭ جىلدادىعى كەي جەرلەردە سەكۋندىنا 15-20 مترگە ەيىن كۇشەيەدى. الماتى وبلىسىندا جەلدىڭ ەكپىنى 23-28 مەترگە جەتەدى.
سولتۇستىك قازاقستان، پاۆلودار وبلىستارىنىڭ كەي جەرلەرىندە كۇندىز جەل 15-20 م/س جىلدامدىقپەن سوعادى، تۇندە جانە تاڭەرتەڭ كەي جەرلەردە تۇمان تۇسەدى. قاراعاندى، شىعىس قازاقستان، كۇندىز قوستاناي وبلىستارىنىڭ كەي جەرلەرىندە بۇرشاق جاۋىپ، جەل 15-20 م/س جىلدامدىقپەن ۇيتقيدى.
اقمولا، تۇركىستان، قىزىلوردا وبلىستارىنىڭ كەي جەرلەرىندە كۇندىز جەل 15-20 م/س- قا دەيىن كۇشەيەدى.
تۇركىستان وبلىسىندا جەل شاڭدى داۋىلعا ۇلاسادى. كۇندىز باتىس قازاقستان، اقتوبە ماڭعىستاۋ اتىراۋ وبلىستارىندا اپتاپ ىستىق بولادى. اتىراۋ وبلىسىنىڭ كەي جەرلەرىندە وتە قاتتى ىستىق بولادى. قىزىلوردا، اقتوبە، ماڭعىستاۋ، اتىراۋ وبلىستارىنىڭ باسىم بولىگىندە، تۇركىستان، جامبىل، قاراعاندى، باتىس قازاقستان، قوستاناي وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.
