قازگيدرومەت: 25-ناۋرىز كۇنگى اۋا رايى بولجامى

كەي جەرلەردە جاۋىن-شاشىن جاۋادى، باتىستا جاڭبىر مەن قار تۇرىندە قاتتى جاۋىن-شاشىن كۇتىلەدى. جەكەلەگەن اۋماقتاردا تۇمان، كوكتايعاق، جەلدىڭ كۇشەيۋى، سولتۇستىك-باتىستا، ورتالىقتا جاياۋ بۇرقاسىن، وڭتۇستىكتە، وڭتۇستىك-باتىستا نايزاعاي بولجانادى.

قازاقپارات بۇل تۋرالى «قازگيدرومەت» ر م ك- عا سىلتەمە جاساپ حابارلايدى.

اتاپ ايتقاندا، قىزىلوردا، ماڭعىستاۋ وبلىستارىنىڭ كەي جەرلەرىندە تۇمان، نايزاعاي، 15-20 م/س ەكپىندەگى جەل كۇتىلەدى.

باتىس قازاقستان، اقتوبە وبلىستارىنىڭ كەي جەرلەرىندە تۇمان، كوكتايعاق، 15-20 م/س جىلدامدىقتا جەل بولجانادى.

اتىراۋ وبلىسىنىڭ تۇندە باسىم بولىگىندە جەلدىڭ ەكپىنى 23 م/س، كۇندىز 15-20 م/س كۇشەيەدى، كەي جەرلەردە كوكتايعاق بولادى.

سولتۇستىك قازاقستان، قوستاناي وبلىستارىنىڭ كەي جەرلەرىندە تۇمان، كوكتايعاق، 15-20 م/س ەكپىندە جەل بولادى.

قوستاناي وبلىسىندا سونداي-اق جاياۋ بۇرقاسىنمەن كۇتىلەدى. اقمولا، پاۆلودار وبلىستارىنىڭ كەي جەرلەرىندە تۇمان، كوكتايعاق كۇتىلەدى.

الماتى، جامبىل، شىعىس قازاقستان وبلىستارىنىڭ كەي جەرلەرىندە تۇمان، 15-20 م/س جىلدامدىقتا جەل بولجانادى.

جامبىل، الماتى وبلاستارىندا جەلدىڭ ەكپىنى 23-28 م/س ارتادى.

قاراعاندى وبلىسىنىڭ كەي جەرلەرىندە تۇمان، كۇندىز - كوكتايعاق، جاياۋ بۇرقاسىن، 15-20 م/س جىلدامدىقتا جەل كۇتىلەدى.

تۇركىستان وبلىسىنىڭ كەي جەرلەرىندە جەلدىڭ كۇشى كۇندىز 25 م/س ارتۋى ىقتيمال، نايزاعاي كۇتىلەدى.