يلون ماسكتىڭ داۋلەتى ءبىر تاۋلىكتە 25 ميلليارد دوللارعا ارتتى
بۇعان 10 -ناۋرىزداعى Bloomberg Billionaires Index (BBI) دەرەكتەرى دالەل، دەپ حابارلايدى قازاقپارات.
قازىرگى ۋاقىتتا ونىڭ كاپيتالى 174 ميلليارد دوللاردى قۇرايدى. ول رەيتينگىدە كوش باستاعان Amazon نەگىزىن قالاۋشىسى دجەفف بەزوستان كەيىن قالدى. ال ونىڭ بايلىعىن Bloomberg اگەنتتىگى 180 ميلليارد دوللارعا باعالاپ وتىر.
ءوز كەزەگىندە Forbes Real-Time Billionaires جۋرنالى رەيتينگىنىڭ مالىمەتىنە سايكەس، ماسك ءوز داۋلەتىن وتكەن تاۋلىكتە 22,6 ميلليارد دوللاردان 166,2 ميلليارد دوللارعا دەيىن ۇلعايتتى. وسىلايشا، تىزىمدە كاپيتالى 179,9 ميلليارد دوللار بولاتىن بەزوستان كەيىن ەكىنشى ورىندا تۇر. 26 -اقپاندا يلون ماسك ءبىر تاۋلىكتە 14 ميلليارد ا ق ش دوللارىن جوعالتقان بولاتىن. ساۋدا- ساتتىق بارىسىندا Tesla كومپانياسىنىڭ اكسيالارى % 8,6- عا تومەندەدى. ماسك عالامشارداعى ەڭ باي ادامدار تىزىمىندەگى كوشباسشىلىعىنان ايىرىلدى. كوشباسشىلىق Amazon-نىڭ نەگىزىن قالاۋشىعا اۋىستى.
اۆتور: اياۋلىم التىنبەك