بيىل مەملەكەتتىك اپپارات قىزمەتكەرلەرى 25 پايىزعا قىسقارادى - ۇكىمەت باسشىسى
بۇل تۋرالى ماجىلىستەگى «Nur Otan» پارتياسى پارلامەنتتىك فراكسياسىنىڭ كەڭەيتىلگەن وتىرىسىندا ۇكىمەت باسشىسى اسقار مامين ايتتى، دەپ حابارلايدى قازاقپارات ءتىلشىسى.
«حالىق پەن بيزنەستىڭ قالاۋىن قاناعاتتاندىرۋعا باعدارلانعان ءتيىمدى مەملەكەتتىك اپپارات قۇرۋ بويىنشا جۇمىس جالعاسادى. 2025 -جىلعا قاراي بارلىقمەملەكەتتىك ورگاندار اۆتوماتتاندىرىلىپ، ەلەكتروندى فورماتقا كوشىرىلەدى»، - دەدى ۇكىمەت باسشىسى «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» سايلاۋ باعدارلاماسىن ورىنداۋدىڭ جول كارتاسىن تالقىلاۋ بارىسىندا.
ونىڭ اتاپ وتۋىنشە، بيىل قىزمەتتەردىڭ 92 پايىزى سيفرلاندىرىلادى.
«2021 -جىلى مەملەكەتتىك اپپارات پەن مەملەكەتتىك سەكتورداعى قىزمەتكەرلەردىڭ سانى 25 پايىزعا قىسقارادى. بيىل ازاماتتاردىڭ قىزمەتتەردى ەلەكتروندى تۇردە دەربەس الۋى ءۇشىن حالىققا قىزمەت كورسەتۋ ورتالىقتارىن ونلاين كەڭەس بەرۋگە بەيىمدەۋ جۇمىس باستالادى»، - دەدى اسقار مامين.
اۆتور: مارلان جيەمباي
