اقسايدا اياعىنا وق تيگەن 25 جاستاعى جىگىت اۋرۋحاناعا ءتۇستى
ب ق و پوليتسيا دەپارتامەنتىنىڭ باسپا ءسوز قىزمەتى ءمالىم ەتكەندەي، وقيعا 5 -جەلتوقسان كۇنى تۇندە قالانىڭ سولتۇستىك بولىگىندە بولعان. ساعات 23.50 دە 25 جاستاعى تۇرعىن اتىس جاراقاتىمەن ءبورلى اۋداندىق ورتالىق اۋرۋحاناسىنىڭ حيرۋرگيالىق بولىمشەسىنە ءتۇستى.
23 جاستاعى كۇدىكتى ۇستالىپ، ۋاقىتشا وقشاۋلاۋ يزولياتورىنا قامالدى. مىلتىق تاركىلەندى. قازىرگى كەزدە وقيعانىڭ نەدەن وربىگەنى انىقتالۋ ۇستىندە. ق ر ق ك 293-بابى 3-بولىگىنە سايكەس (بۇزاقىلىق) سوتقا دەيىنگى تەرگەۋ امالدارى جۇرگىزىلۋدە. ءبورلى اۋداندىق ورتالىق اۋرۋحاناسىنان تۇسكەن مالىمەتكە قاراعاندا، سول جاق بالتىرىنا وق تيگەن تۇرعىنعا وتا جاسالعان. جاعدايى ورتاشا دەپ باعالانۋدا.
