ەلوردادا كونستيتۋتسيانىڭ 25 جىلدىعىنا وراي قانداي ءىس- شارالار وتەدى

ەلوردادا قازاقستان رەسپۋبليكاسى كونستيتۋتسياسىنىڭ 25 جىلدىعىنا ارنالعان ءىس- شارالار جوسپارى بەكىتىلدى.

اتاپ ايتساق، 10-29 - تامىزدا «كونستيتۋتسيا بوستاندىقتىڭ كەپىلى» ءان چەللەندجى باستالادى. 14 - تامىز كۇنى ءال- فارابي اتىنداعى وقۋ- تاربيە ورتالىعى اشىلادى. ورتالىقتاندىرىلعان كىتاپحانالار جۇيەسى 15-31 - تامىز ارالىعىندا يلليۋستراتسيالىق كىتاپ - ونلاين- ينستاللياتسيا ۇسىنادى.

ال، 25 - تامىزدا «مەن ءوز قۇقىعىمدى بىلەمىن» اتتى بالالار سۋرەت بايقاۋى وتەدى. 26 - تامىزدا ءال- فارابي اتىنداعى وقۋشىلار سارايىندا «اتا زاڭىم - ارداعىم» اقىندار بايقاۋى ۇيىمداستىرىلسا، قالالىق مەملەكەتتىك ءارحيۆى 27 - تامىز-4 - قىركۇيەك ارالىعىندا كونستيتۋتسيانىڭ 25 جىلدىعىنا ارنالعان كورمە وتكىزەدى.

28 - تامىز كۇنى «ناز» مەملەكەتتىك بي تەاترى «اتا زاڭ - ەلدىڭ ايبىنى، ەركىندىگى، بايلىعى» اتتى ونلاين كونسەرت قويادى. سونداي- اق 28- تامىزدا «حالىق دوپ» بويىنشا «ەلوردالىق بالالار - سپورتتىق اۋىسىم» اتتى چەمپيونات وتەدى. 29-30 - تامىزدا الەۋمەتتىك جاعدايى تومەن وتباسىلارعا ارنالعان ەمب قايىرىمدىلىق شارالارى ۇيىمداستىرىلادى.

«جاستار تەاترى» 30 - تامىز كۇنى الەۋمەتتىك جەلى ارقىلى «ايبارلى اسقار ەلدى اسقاقتاتار اتا زاڭ» اتتى ونلاين- كونسەرت تارتۋ ەتەدى. ءدال سول كۇنى «نوماد» تەاترى اكتەرلەرى پاتريوتتىق اندەرمەن ونلاين قۇتتىقتاۋ جولدايدى.

30- تامىزدا ەلوردالىق فيلارمونيا ارتىستەرى استانا كونسەرت زالىندا كونستيتۋتسيا كۇنىنە ارنالعان كونسەرت وتكىزەدى. سونداي- اق، كونستيتۋتسيانىڭ 25 جىلدىعىنا ارنالعان دوڭگەلەك ۇستەل وتىرىسىن وتكىزۋ، «قازاقستان رەسپۋبليكاسىنىڭ كونستيتۋتسياسىنا 25 جىل»، «قازاقستان حالقىنىڭ اسسامبلەياسىنا 25 جىل» مەرەيتويلىق مەدالدارىمەن قوعام بەلسەندىلەرىن ماراپاتتاۋ جوسپارلانىپ وتىر.