25- ماۋسىم كۇنگى اۋا رايى بولجامى
رەسپۋبليكانىڭ تەك سولتۇستىك بولىگى سولتۇستىك تسيكلوننىڭ جانە سونىمەن بايلانىستى فرونتالدى بولىكتەردىڭ ىقپالىندا بولاتىندىقتان جاڭبىر، نايزاعاي، بۇرشاق بولجانادى. جەكەلەگەن وڭىرلەردە ەكپىندى جەل تۇرادى، سولتۇستىكتە داۋىل بولۋى ىقتيمال.
اتاپ ايتقاندا، اتىراۋ وبلىسىنىڭ تۇندە كەي جەرلەرىندە، كۇندىز باسىم بولىگىندە جەل 15-20 م/س كۇشەيەدى. اقتوبە، اقمولا، شىعىس قازاقستان، كۇندىز مانعىستاۋ، باتىس قازاقستان، سولتۇستىك قازاقستان، پاۆلودار وبلىستارىنىڭ كەي جەرلەرىندە جەل 15-20 م/س كۇشەيەدى.
كۇندىز اقمولا وبلىسىندا داۋىل كۇتىلەدى. باتىس قازاقستان، كۇندىز شىعىس قازاقستان وبلىستارىنىڭ كەي جەرلەرىندە بۇرشاق بولۋى مۇمكىن.
قوستاناي وبلىسىنىڭ كەي جەرلەرىندە بۇرشاق، 15-20 م/س ەكپىندە جەل بولجانادى.
قاراعاندى وبلىسىنىڭ وڭتۇستىك-شىعىسىندا تۇندە جەل 15-20 م/س كۇشەيەدى.
اتىراۋ، قىزىلوردا وبلىستارىندا، اقتوبە، قوستاناي، اقمولا، قاراعاندى، تۇركىستان، جامبىل، الماتى وبلىستارىنىڭ باسىم بولىگىندە، باتىس قازاقستان وبلىسىنىڭ وڭتۇستىك-شىعىسىندا وتە جوعارى ءورت قاۋپى ساقتالادى.
