وڭتۇستىك كورەيادا 25 قۇرىلىسشى تىرىدەي جانىپ كەتتى
ينچحون. قازاقپارات - سارسەنبى كۇنى وڭتۇستىك كورەيانىڭ ينچحون قالاسىندا 25 قۇرىلىسشى ورتتەن قازا تاپتى، دەپ حابارلايدى قازاقپارات.
«رەنحاپ» اگەنتتىگىنىڭ مالىمەتىنشە، ءورت سارسەنبى كۇنى جەرگىلىكتى ۋاقىتپەن 13:32 دە باستالعان. بولجام بويىنشا، ءورتتىڭ شىعۋىنا قۇرىلىس جۇمىستارى كەزىندەگى جارىلىس سەبەپ بولعان.
«قىزىل جالىن تەز تاراعاندىقتان ادامدار ەۆاكۋتسيالانىپ ۇلگەرمەگەنگە ۇقسايدى»، - دەيدى وقيعا ورنىنا كەلگەن ءورت سوندىرۋشىلەر. وڭتۇستىك كورەيا بيلىگى ىزدەۋ- قۇتقارۋ وپەراتسياسىن ۇيىمداستىرۋعا قولدا بار رەسۋرستىڭ بارلىعىن جۇمىلدىرۋعا بۇيرىق بەردى.
