ەلىمىزدەگى اففيناج زاۋىتى 25 توننا التىن ءوندىردى

 نۇر-سۇلتان. قازاقپارات - ەلىمىزدەگى اففيناج زاۋىتى قاراشا ايىندا ءوزىنىڭ جوبالىق قۋاتىنا قول جەتكىزىپ، 25 توننا التىن ءوندىردى، دەپ حابارلايدى «حابار 24».

 كاسىپورىن اشىلعالى بەرى 90 توننادان استام التىن تازارتقان. جالپى 2018 -جىلى ەلىمىزدە 100 تونناعا جۋىق ءونىم وندىرىلگەن. ونىڭ جارتىسى اففيناجدالىپ، ۇلتتىق بانككە تاپسىرىلعان. ال جارتىسى شەتەلگە شىعارىلعان.

 مامانداردىڭ ايتۋىنشا، وزگە ەلدەردە وعان شەكتەۋ قويىلعان. ماسەلەن، التىن قورىن تولتىرۋ جانە ونىڭ نارىعىن قورعاۋ ماقساتىندا التىن كونسەنتارنت تۇرىندە شىعارىلعان كۇننىڭ وزىندە قورىتپاسى كەرى قايتارىلادى.

قانات قۇدايبەرگەن، «تاۋ- كەن سامۇرىق» ۇ ت ك» ا ق باسقارما ءتوراعاسى:

 - نەگىزگى سەبەبى بىزدە قۇرامىندا التىن بار كونسەنترانتتاردى وڭدەۋ ماسەلەسىندە ءتارتىپ بويىنشا اففيناج زاۋىتتارى ونداي كونسەنترانتتى الا المايتىن بولسا، ءوندىرۋشى شەتەلگە شىعارۋعا قۇقىعى بار. سونداي زاڭدا جازىلعان. وسى ماسەلەنى وزگەرتۋ بويىنشا ارنايى ۇكىمەتكە جولداۋ جىبەردىك. قازىر ول ۇكىمەتتە قارالىپ جاتىر.

www.24.kz