09:54, 12 - اقپان 2019 | GMT +6
اتىراۋ وبلىسىنداعى تەڭىز كەن ورنىندا 25 ادام ۋلاندى
اتىراۋ. قازاقپارات - اتىراۋ وبلىسى تەڭىز كەن ورنىندا 25 ادام تاماقتان ۋلاندى، دەپ حابارلايدى قازاقپارات ءتىلشىسى.
«تەڭىزشيەۆرويل» ج ش س مەردىگەر كومپانيالارىنىڭ ءبىرىنىڭ قىزمەتكەرلەرى تەڭىز ۆاحتالىق كەنتىندە ۋلاندى. كەشكى استان كەيىن 25 ادام وزدەرىن جايسىز سەزىنە باستاعان. بارلىق بەلگىلەر بويىنشا ولاردىڭ ۋلانعانى انىقتالدى. ولاردىڭ بارلىعى قۇلسارى قالاسىنداعى اۋداندىق ورتالىق اۋرۋحاناعا جەتكىزىلدى. العاشقى مەديتسينالىق كومەك كورسەتىلگەننەن كەيىن 21 ادام امبۋلاتورلىق ەم الۋعا جىبەرىلدى. ءتورت ادام اۋرۋحانادا جاتىر»، - دەپ حابارلادى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.