ءبىلىم ۆيتسە- ءمينيسترى 25 بالمەن گرانتقا تۇسكەن تالاپكەرلەر تۋرالى ايتتى

 استانا. قازاقپارات - بۇگىن استانادا وتكەن باسپا ءسوز ءماسليحاتىندا ق ر ءبىلىم جانە عىلىم ۆيتسە- ءمينيسترى اسحات ايماعامبەتوۆ 25 بالمەن گرانتقا وتكەندەر تۋرالى ايتتى، دەپ حابارلايدى قازاقپارات.
None
None

«25 بالمەن گرانتقا وتكەندەرگە توقتالساق، كەيبىرەۋلەرى كوللەدجدى بىتىرگەننەن كەيىن وقۋعا تۇسۋگە قۇجات تاپسىرادى. بۇل رەتتە قىسقا مەرزىمگە 3 جىل وقيتىندار جاتادى. مىسالى، مەكتەپتى ءتامامداعان تۇلەكتەر ۇ ب ت تاپسىرعاندا جوعارى بالل 140 بولسا، ەڭ تومەنگى شەكتى بالل 50 گە تەڭ. ال كوللەدجدەن كەيىنگى تۇلەكتەر تەك 70 سۇراققا جاۋاپ بەرەدى، ياعني ەكى ءپاندى عانا تاڭدايدى. سايكەسىنشە، ولاردا شەكتى بالل 25 كە تەڭ. بيىل «اتامەكەننىڭ» جانە كوللەدجدەردىڭ ۇسىنىسىمەن ءبىراز گرانتتاردىڭ سانىن كوللەدجدەن كەيىنگى تۇلەكتەرگە بەردىك. ءبىراق كوللەدجدەن كەيىنگى گرانتتارعا كوپ سۇرانىس بولعان جوق، سوندىقتان وسى ماماندىقتار بويىنشا ولار شەكتى بالدى الا تۇرىپ، گرانتتى يەلەنىپ جاتتى. كوبىنەسە، ولار تەحنيكالىق ماماندىقتارعا تيەسىلى. كوللەدج بىتىرگەننەن كەيىن 3  جىل وقيدى» ، - دەدى ۆيتسە- مينيستر

«جالپى، كوللەدجدەردى قولداۋىمىز كەرەك. وسى وقۋ ورىندارىن ءتامامداعان تۇلەكتەر قىسقا مەرزىمدە وقىپ شىعا الادى. سول ءۇشىن بيىل ءبىراز گرانتتار ءبولىندى» ، - دەپ ناقتىلادى ا. ايماعامبەتوۆ.

 سونىمەن قاتار، ول گرانتتاردى بولگەن كەزدە ەلىمىزدە ءتيىستى كۆوتالار قاراستىرىلعانىن ەسكە سالىپ ءوتتى. بۇل تۇرعىدا اتا- انالارىنىڭ قامقورلىعىنسىز قالعان بالالارعا، قازاقستاننىڭ ازاماتى ەمەس ۇلتى قازاق ادامدار ءۇشىن بولىنگەن، سونداي- اق اۋىل جاستارىنا ەسكەرىلگەن كۆوتالار بار.

بۇدان بۇرىن حابارلانعانداي، قازاقستاندا شەتەلدەگى قانداستارىمىز 25 جانە 26 بالمەن گرانتقا ءتۇستى.

سوڭعى جاڭالىقتار