يراندا 25 ميلليون ءۇي قۇسىن جويدى
اتالمىش ەل استاناسى - تەگەران قالاسىنىڭ قۇس وسىرۋشىلەر وداعىنىڭ جەتەكشىسى ناسىرنەبيرۋر يراندىق ILNA اقپارات اگەنتتىگىنە بەرگەن سۇحباتىندا وسىنداي مالىمەت كەلتىرىپ، مالىمدەمە جاسادى. ونىڭ ايتۋىنشا، قۇس تۇماۋىنىڭ قاۋىپ توندىرۋىنە بايلانىستى، دالىرەگى، ازاماتتاردىڭ دەنساۋلىعىن ساقتاۋ ماقساتىندا 25 ميلليون ءۇي قۇسىنىڭ، ياعني، ەل اۋماعىنداعى قۇستىڭ شامامەن 40 پايىزى جويىلعانىن العا تارتتى.
وسىعان بايلانىستى يراندا قۇس ەتى مەن جۇمىرتقاسىنىڭ باعاسى شارىقتاپ كەتكەن. بۇل ماسەلەنى شەشۋ ءۇشىن، ياعني، سۇرانىستى قاناعاتتاندىرۋ ءۇشىن تۇركيادان قۇس پەن جۇمىرتقا يمپورتتاۋعا كوشكەن. ءسوز ورايى كەلگەندە ايتا كەتۋ كەرەك، دۇنيەجۇزىلىك دەنساۋلىق ساقتاۋ ۇيىمى كەلتىرگەن دەرەككە قاراعاندا، 2003-2018 -جىلدار ارالىعىندا الەم بويىنشا 454 ادامنىڭ ءومىرىن جالماعان H5N1 تۇماۋى جابايى قۇستاردان ءۇي قۇسىنا، ودان ادامعا جۇعادى.
