قازاقستاننىڭ ب ۇ ۇ- عا مۇشە بولۋىنىڭ 25 جىلدىعىنا ارنالعان پوشتالىق ماركا قولدانىسقا ەنگىزىلدى
استانا. قازاقپارات - ق ر سىرتقى ىستەر مينيسترلىگىندە قازاقستان رەسپۋبليكاسىنىڭ بىرىككەن ۇلتتار ۇيىمىنا قوسىلۋىنىڭ جانە مەملەكەت باسشىسى نۇرسۇلتان نازاربايەۆتىڭ ازياداعى ءوزارا ءىس-قيمىل جانە سەنىم شارالارى جونىندەگى كەڭەستى (ا و س ش ك) شاقىرۋ تۋرالى باستاماسىنىڭ 25 جىلدىق مەرەيتويلارىنا ارنالعان پوشتالىق ماركالاردى ەنگىزۋ ءراسىمى ءوتتى.
بۇل تۋرالى ۆەدومستۆونىڭ باسپا ءسوز قىزمەتى حابارلايدى.
راسىمگە سىرتقى ىستەر ءمينيسترىنىڭ ورىنباسارى ەرجان اشىقبايەۆ پەن «قازپوشتا» اكسيونەرلىك قوعامىنىڭ اتقارۋشى ديرەكتورى ساۋلە ەگەمبەرديەۆا قاتىستى.
«ب ۇ ۇ- عا مۇشە بولعان جىلدارى قازاقستان مەملەكەتتەردىڭ حالىقارالىق قاۋىمداستىعىنا ءساتتى ەنۋمەن عانا شەكتەلە قويماي، وندا سالماقتى ورىنعا يەلەندى. ءتۇرلى جىلدارى ەلىمىز ب ۇ ۇ الاڭشالارىندا الەمدىك قوعامداستىق تالاپ ەتكەن باستامالاردى، سونىڭ ىشىندە ا و س ش ك- ءنى ىسكە اسىردى»، - دەدى ە. اشىقبايەۆ العى سوزىندە.
سونداي-اق، سىرتقى ساياسي ۆەدومستۆو باسشىسىنىڭ ورىنباسارى «شيرەك عاسىر ىشىندە الەمدىك ساياساتتا بەدەلدى ورىندى يەلەنگەن ا و س ش ك ازياداعى قاۋىپسىزدىك پەن سەنىم شارالارىنىڭ ءتيىمدى قۇرالى مارتەبەسىن الۋىنا تولىقتاي نەگىزى بار» ەكەنىن اتاپ ءوتتى.
«ۇمىتىلماس جانە مەرەيتويلىق داتالار» سەرياسىنان ۇسىنىلعان پوشتالىق ماركالار ءتورت بوياۋلى وفسەتتى باسپامەن، 20 ماركادان تۇراتىن ماركالى پاراق تۇرىندە جاسالعان. تارالىمى 10000 دانانى قۇرايدى.
