جەمقورلىق بويىنشا ايىپتالىپ 25 جىلعا باس بوستاندىعىنان ايىرىلعان پرەزيدەنتكە راقىمشىلىق جاسالدى
استانا. قازاقپارات - پەرۋ پرەزيدەنتى پەدرو پابلو كۋچينسكي بۇرىنعى باسشى البەرتو فۋحيموريگە راقىمشىلىق جاسادى، دەپ جازادى Associated Press.
اگەنتتىكتىڭ حابارلاۋىنا قاراعاندا، ۇكىمەتتىڭ شۇعىل وتىرىسىندا وسىنداي قاۋلى قابىلدانعان.
ادام قۇقىقتارىنىڭ بۇزىلۋى جانە سىبايلاس جەمقورلىق بويىنشا ايىپتالىپ، تۇرمەگە جابىلعان پەرۋدىڭ بۇرىنعى باسشىسى ونكولوگيالىق اۋرۋدان زارداپ شەگىپ وتىر.
ەسكە سالا كەتسەك، 79 جاستاعى فۋحيموري 25 جىلعا باس بوستاندىعىنان ايىرۋ جازاسىن وتەپ جاتقان بولاتىن. سوتتىڭ شەشىمىنە قاراعاندا ول 200 ميلليون دوللار قارجىنى جىمقىرعان.
