عالىمدار 25 جىل بويى دەنەسىنە جىلان ۋىن ەگىپ كەلگەن ءانشىنىڭ قانىن زەرتتەپ جاتىر

وسىلايشا ءانشى ەرەكشە حوببيىنىڭ ارقاسىندا عالىمداردىڭ زەرتتەۋ نىسانىنا اينالىپ وتىر، دەپ حابارلايدى Baq.kz اقپارات اگەنتتىگى تاسس باسىلىمىنا سىلتەمە جاساپ.

كوپ جىلدان بەرى لوندوندا تۇرىپ، Little Hell, Levitation جانە Carrie سىندى توپتاردىڭ سوليسى بولعان لادۆين دەنەسىنە 35 ءتۇرلى جىلاننىڭ ۋىن سالىپ كورگەن. ينەكتسيا سالدارىنان ول بىرنەشە رەت اۋرۋحاناعا تۇسكەن دە بولاتىن. لادۆيننىڭ ايتۋىنشا، ادامدار وسىلاي جاسارىپ، جۇيكە جۇيەسىنىڭ قىزمەتىن جاقسارتادى. مۇنىمەن قاتار، ول كوبرا ۋىنىڭ وزىنە ەسىرتكى ىسپەتتەس اسەر ەتەتىنىن ايتىپ ءوتتى: كۇش- قۋاتى ارتىپ، اراسىندا اشۋلانشاق بولىپ كەتەدى ەكەن.

«لادۆيننىڭ جىلان ۋىنا قارسى تۇرا ءبىلۋ قاسيەتىن تاڭعاجايىپپەن بايلانىستىرۋعا بولادى. مۇندايدا ادەتتە ادامنىڭ سۇيەگى سىنىپ، بۇيرەگى ىستەن شىعۋى مۇمكىن. كەيدە، ءتىپتى، مۇندايدان اللەرگيالىق شوك الىپ، ادام ومىرىمەن قوش ايتىسۋى عاجاپ ەمەس. سول سەبەپتى، كوپەنگاگەن ۋنيۆەرسيتەتىنىڭ ماماندارى بۇلاي جاساۋعا ەشكىمگە كەڭەس بەرمەيدى» ، - دەيدى كوپەنگاگەن ۋنيۆەرسيتەتى فارموكولوگيا كافەدراسىنىڭ دوتسەنتى برايان لوحسە.

لوحسەنىڭ ايتۋىنشا، لادۆيننىڭ قان، مي جۇلىنىنداعى سۇيىقتىق جانە د ن ق ۇلگىلەرىن زەرتتەۋ ارقىلى جىلان ۋىنا قارسى انتيدەنەلەردى انىقتاۋعا بولادى. لادۆين بىرنەشە جىلدان بەرى مەديتسينا ساراپشىلارىنان قۇرالعان بىرنەشە توپپەن قاتار جۇمىس ىستەپ كەلە جاتىر. ماماندار زەرتتەپ جۇرگەن باعىتتاردىڭ ءبىرى - ءانشىنىڭ د ن ق تالدامالارىنىڭ ناتيجەسىن پايدالانا وتىرىپ جىلان ۋىنا قارسى سينتەتيكالىق ۋ جاساپ شىعارۋ.

قازىرگى تاڭدا جىلان ۋىنا قارسى انتيدوتتاردىڭ كوبىسى ⅩⅨعاسىردىڭ سوڭىندا ويلاپ تابىلعان تەحنولوگيالاردىڭ كومەگىمەن جاسالىپ ءجۇر. تاجىريبە بارىسىندا جىلان ۋى ءبىرىنشى كەزەكتە جىلقىعا ەنگىزىلەدى ەكەن.

«وسى ۋاقىتقا دەيىن جانۋارلاردىڭ انتيدەنەلەرى مەن پەپتيدتەرىن پايدالانىپ كەلدىك. ەندى ستيۆتىڭ قانىن زەرتتەۋ ارقىلى بىردەن ادامدارعا ارنالعان ۋعا قارسى ءدارى جاساپ شىعارا الامىز» ، - دەيدى لوحسە.