سينوپتيكتەردىڭ 25- قاراشاعا ارنالعان اۋا رايى بولجامى

ەلىمىزدىڭ كەي جەرلەرىندە تۇمان ءتۇسىپ، كوكتايعاق بولادى، جەلدىڭ كۇشەيۋى كۇتىلەدى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، الماتى وبلىسىندا تۇندە كەي جەرلەردە تۇمان بولادى، جالاڭاشكول اۋدانىندا جەل 20-25 م/س- قا دەيىن كۇشەيۋى مۇمكىن.

جامبىل وبلىسىنىڭ كەي جەرلەرىن تۇمان باسىپ، كۇندىز جەلدىڭ ەكپىنى 15-20 م/س جەتەدى.

وڭتۇستىك قازاقستان،  قىزىلوردا وبلىستارىندا كۇندىز جەلدىڭ جىلدامدىعى 15-20 م/س ارتادى. ماڭعىستاۋ، اقتوبە، كۇندىز پاۆلودار وبلىستارىنىڭ جەكەلەگەن اۋماقتارىندا تۇمان، كوكتايعاق كۇتىلەدى.

باتىس قازاقستان، قوستاناي، سولتۇستىك قازاقستان، قاراعاندى، تۇندە جانە تاڭەرتەڭ شىعىس قازاقستان وبلىستارىنىڭ كەي جەرلەرىندە تۇمان بولجانادى.