22:51, 22 - تامىز 2017 | GMT +6
قىرعىزستاندا جاڭا ۇكىمەت 25- تامىزدا جاساقتالادى
استانا. قازاقپارات - قىرعىز رەسپۋبليكاسىنىڭ جوعارى كەڭەسى 25- تامىز كۇنى جاڭا ۇكىمەتتى قۇرۋ ماقساتىندا كەزەكتەن تىس سەسسياسىنا جينالادى.
«قىرعىزستان رەسپۋبليكاسى پرەزيدەنتىنىڭ ۇكىمەتتىڭ جاڭا قۇرامىن قۇرۋ ماقساتىندا ج ك كەزەكتەن تىس سەسسياسىن شاقىرۋ تۋرالى ۇسىنىسىنىڭ تۇسۋىنە بايلانىستى، ج ك ءتوراعاسى كونستيتۋتسيانىڭ 77-بابى 3-تارماعى مەن « جوعارى كەڭەستىڭ رەگلامەنتى تۋرالى» زاڭىنىڭ 34-بابى 4-تارماعىنا سايكەس، 2017-جىلدىڭ 25- تامىزى كۇنى ساعات 09:30 دا جوعارى كەڭەستىڭ كەزەكتەن تىس سەسسياسىن شاقىرادى»، - دەلىنگەن قىرعىز ۇكىمەتىنىڭ باسپا ءسوز قىزمەتى تاراتقان حابارلامادا.
ەسكە سالا كەتسەك، بۇگىن ەلدە ۇكىمەت تاراتىلعان بولاتىن.