لاي كوشۋ قاۋپىنە بايلانىستى 25 مىڭ ادام قاۋىپسىز جەرگە كوشىرىلدى
استانا. قازاقپارات - جاپونيا بيلىگى اكيتا پرەفەكتۋراسىنداعى 25 مىڭ تۇرعىندى شۇعىل كوشىرەتىنى جونىندە شەشىسم قابىلدادى.
بۇل تۋرالى حابار 24- تەلەارناسى حابارلادى.
ويتكەنى لاي كوشكىنى ءجۇرۋى مۇمكىن دەگەن قاۋىپ بار. ءوڭىردىڭ كەيبىر اۋدانىنداعى جاۋىن-شاشىننىڭ مولشەرى 350 ميلليمەترگە جەتكەن. ءبىراز ءۇي كولكىگەن سۋ استىندا قالىپ، جولداردى دا شايىپ كەتكەن.
بۇعان دەيىن وسى كۇنشىعىس ەلىنىڭ كيۋسيۋ ارالىندا تولاسسىز جاۋعان نوسەردەن كەيىنگى تاسقىن مەن لاي كوشكىنى 34 ادامنىڭ ءومىرىن جالماعان بولاتىن. ۇشتى-كۇيلى جوعالىپ كەتكەن 10 تۇرعىن ءالى تابىلعان جوق.
