استانا پوليتسەيلەرى 25 سانىن كەلتىرىپ، ساپقا تۇردى
دەپ حابارلادى استانا ءى ءى د باسپا ءسوز قىزمەتى.
ساپتىق بايقاۋدى ءى ءى د باستىعى، پوليتسيا گەنەرال- مايورى امانتاي اۋباكىروۆ قابىلدادى، ول پوليتسەيلەردىڭ الدىنا قالالىقتار مەن ەلوردا قوناقتارىنىڭ قاۋىپسىزدىگىن قامتاماسىز ەتۋ، قىلمىستاردىڭ، اسىرەسە ەكسپو-2017 كورمەسى كەزىندە زاڭ بۇزۋشىلىقتاردىڭ الدىن الۋ سالاسىنداعى ءبىرقاتار مىندەتتەردى قويدى. ساپتىق بايقاۋ جەكە قۇرامنىڭ قوعامدىق ءتارتىپتى جانە ازاماتتاردىڭ قاۋىپسىزدىگىن ساقتاۋ، ەلدىڭ ماڭىزدى وقيعاسى الدىندا قىلمىستاردىڭ، وزگە دە زاڭعا قايشى ارەكەتتەردىڭ ۋاقتىلى الدىن الۋ، جولىن كەسۋگە ازىرلىك دارەجەسىن ايقىنداۋ ءۇشىن جۇرگىزىلدى. بۇگىندە ەلوردالىق دەپارتامەنتتىڭ ماتەريالدىق- تەحنيكالىق جاراقتىلىعى جوعارى دەڭگەيدە. پوليتسيا گارنيزونى قىزمەتكەرلەرىندە قىلمىسپەن كۇرەسۋ، ازاماتتاردىڭ سىندارلى قۇقىقتارى مەن ەركىندىكتەرىن قورعاۋ، قالاداعى ءتيىستى قۇقىقتىق ءتارتىپتى، قوعامدىق قاۋىپسىزدىكتى قامتاماسىز ەتۋ ءۇشىن بارلىق مۇمكىندىكتەر بار.