ءۇندىستاندا الكوگولگە قارسى اكسياعا 25 ميلليون ادام شىقتى

استانا. قازاقپارات - ءۇندىستاننىڭ بيحار شتاتىندا 25 ميلليونعا جۋىق ادام ءبىر-بىرىمەن قول ۇستاسىپ، 2016 -جىلى قابىلدانعان شاتتىڭ بۇكىل ايماعىندا سپيرتتى ىشىمدىكتەردى ساتۋ مەن پايدالانۋعا تىيىم سالۋ تۋرالى زاڭدى قولداپ، شەپ قۇردى، دەپ حابارلايدى Gazeta.ru Hindustan Times باسىلىمىنا سىلتەمە جاساپ.

جەرگىلىكتى شەنەۋنىكتەر اكسياعا شىققان ادامداردىڭ بۇرىن- سوڭدى بولماعان ەڭ ۇزىن ادامدار شەبىن قۇرعاندىعىن ايتادى، ونىڭ ۇزاقتىعى 11 كيلومەترگە سوزىلعان جانە شتاتتىڭ 38 اۋدانىنان وتكەن.

ولاردىڭ سوزدەرىنشە، اكسياعا قاتىسۋشىلار قۇرعان شەپ ءۇش جەرسەرىگى مەن 4 وقۋ-جاتتىعۋ ۇشاقتارى مەن 40 درون ارقىلى تۇسىرىلگەن. ۇيىمداستىرۋشىلار اتالعان وقيعانى گينەستىڭ رەكوردتار كىتابىنا ەنگىزۋدى ۇسىنعان.

مۇنداي اكسيا ۇيىمداستىرۋدىڭ ءمانى الكوگولدى ىشىمدىككە قارسى ەنگىزىلگەن زاڭنان كەيىن جەرگىلىكتى وپپوزيتسيا وكىلدەرىنىڭ وعان قارسى شىعۋىمەن بايلانىستى بولىپ وتىر. ال، جەرگىلىكتى تۇرعىندار بيلىك وكىلدەرىنىڭ باستاماسىن قولدايتىندىقتارىن دالەلدەدى. زاڭدى سونىمەن قاتار ەلدىڭ پرەمەر-ءمينيسترى نارەندرا مودي مەن رۋحاني كوشباسشى تيبەتتىڭ دالاي- لاماسى دا ماقۇلدادى.

قازان ايىندا يراك پرەزيدەنتى الكوگولدى ساتۋعا شەكتەۋ قويۋ شاراسىن قايتا قاراۋدى ۇسىندى.