مۇحامەدجان 25 جىل بۇرىن قونايەۆتىڭ تۋعان كۇنىندە تۇسىرىلگەن ەكسكليۋزيۆتى ۆيدەونى جاريالادى

 استانا. قازاقپارات - وسىدان 25  جىل بۇرىن، 12 - قاڭتار كۇنى، دىنمۇحامەد اتامنىڭ داستارحانىندا قوناق بولىپ، قازاق زيالىلارىنىڭ الدىندا قوڭىر دومبىراممەن 3 مارتە شىعىپ ارناۋ ايتقانىم ءالى ەسىمدە.

 "داۆاي، مۇقا"، دەپ قاناتتاندىرىپ باستالعان ديماش اتامنىڭ دەمەۋ ءسوزى، كەش سوڭىنا وراي اقجارىلقاعان تىلەككە، اق جۇرەكتەن شىققان باتاعا ۇلاسقان ەدى. مەن سەكىلدى مەكتەپ قابىرعاسىنداعى بالا ءۇشىن دە ومىردەگى ەڭ ۇلكەن مەكتەپتىڭ ءدارىسى وسىلاي باستالعان ەدى. مەككەگە ەكى رەت بارىپ، قاجىلىق اتقارعان جۇماباي اقساقالدىڭ نەمەرەسى، ارابشا، پارسىشاعا جەتىك بولعان، زيالى احمەت قاريانىڭ ۇلى، قازاق حالقىنىڭ سۇيىكتى پەرزەنتى- دىنمۇحامەد اتاما اللانىڭ راحمەتى جاۋسىن! جانى جانناتتا بولىپ، ارتىنداعى جاناشىر جۇرتى وركەندەپ، وسە بەرسىن! اتاممەن تاريحي جۇزدەسۋىمە سەبەپ بولعان، جاقىندا عانا دۇنيەدەن وتكەن بەردەن كوكەمنىڭ دە اللا الدىنان جارىلقاسىن!

«قامشى»