قىسقى ۋنيۆەرسيادا الاۋى 25- قاڭتاردا استانادا تۇتانادى

الماتى. قازاقپارات - 28- قىسقى ۋنيۆەرسيادا الاۋىنىڭ قازاقستاننىڭ ايماقتارىندا، وبلىس ورتالىقتارىندا قاي ۋاقىتتا بولاتىنى جانە باعدارى بەلگىلەندى، دەپ حابارلايدى قازاقپارات ءتىلشىسى.

«22- جەلتوقسان كۇنى 28- قىسقى دۇنيەجۇزىلىك ۋنيۆەرسيادانىڭ ايماقتىق شتابتارى الاۋدى الىپ ءجۇرۋ ەستافەتا باعدارىن انىقتادى. ەندى قازاقستاننىڭ 16 قالاسىندا اتالعان شارا قانداي ورىنداردا وتەتىنى بەلگىلى بولدى»، دەلىنگەن حابارلامادا.

2017-جىلدىڭ 25- قاڭتارىندا استانا قالاسىندا 28- دۇنيەجۇزىلىك قىسقى ۋنيۆەرسيادانىڭ الاۋى جاعىلادى. 5 كۇننىڭ ىشىندە قازاقستانداعى بارلىق وبلىس ورتالىقتارىندا ۋنيۆەرسيادانىڭ ءوز الاۋى جاعىلادى.

جالپى ۋنيۆەرسيادا الاۋى 22500 شاقىرىم جولدى ءجۇرىپ وتەدى، ونىڭ 200 شاقىرىمىن الاۋ ۇستاۋشىلار الىپ جۇرەدى. ستۋدەنتتىك ويىنداردىڭ رەسمي تاسىمالداۋشىسى - «ەير استانا» اۋە كومپانياسى ايماقتاردا جاعىلعان الاۋدى الماتىعا جەتكىزەدى. وسىدان كەيىن 22300 شاقىرىم جول ءجۇرىپ كەلگەن الاۋلار 29- قاڭتار كۇنى الماتىعا جەتكىزىلىپ، رەسمي تۇردە ۋنيۆەرسيادانى اشادى.

ايتا كەتەيىك، ۋنيۆەرسيادا الاۋى 25- قاڭتاردا استانادا، 26- قاڭتار كۇنى وسكەمەن، پاۆلودار، كوكشەتاۋ، پەتروپاۆل، قوستاناي، 27- قاڭتاردا اقتوبە، ورال، اتىراۋ، اقتاۋدا، 28- قاڭتاردا  قىزىلوردا، شىمكەنت، تاراز، تالدىقورعاندا، 29- قاڭتاردا الماتىدا ءال-فارابي اتىنداعى قازۇۋ-دە جاعىلادى.

اۆتور: الماس مۇقاش ۇلى