ۇرىمجىدەگى ستۋدەنتتەر ق ر تاۋەلسىزدىگىنىڭ 25 جىلدىعىنا ارنالعان كونسەرت وتكىزدى - فوتو
شارا 16- جەلتوقسان كۇنى ءۇرىمجى ق. ق ر س ءى م پاسپورت-ۆيزا قىزمەتىنىڭ قولداۋىمەن ءوتتى، ونىڭ باسشىسى مارعۇلان كۇزەكبايەۆ ق ح ر- داعى ق ر ەلشىسى شاحرات نۇرىشيەۆتىڭ اتىنان مەرەكەگە جينالعان 200 دەن استام قوناقتى قۇتتىقتاپ، وقۋدا تابىس تىلەدى.
كونسەرتتىك باعدارلاماعا نۇرقانات راحمەتوۆ («كوك تۋدىڭ جەلبىرەگەنى» ءانى)، شىنجاڭ قارجى-ەكونوميكالىق ۋنيۆەرسيتەتىنىڭ ستۋدەنتتەرى («قاماجاي» ءبيى)، اينار شايماردانوۆا («قازاق جاستارىنىڭ ۇرانى» ءانى)، شىنجاڭ مەملەكەتتىك ۋنيۆەرسيتەتىنىڭ ستۋدەنتى ابزال وماروۆ (دومبىرامەن پوپۋرري)، ايگەرىم قاليبايەۆا مەن ايدا بەگىمبەت (يسپان ءبيى)، دانيار ابىتايەۆ («وتان- انا» ءانى)، جادىرا ەرنار («تۋعان جەر» ءانى) قاتىستى جانە KSAC وكىلدەرى بىرىگىپ «قازاقستانىم» ءانىن ورىندادى.
سونىمەن بىرگە، كونسەرت بارىسىندا كورەرمەندەرگە قازاقستان تۋرالى بەينەروليك كورسەتىلىپ، مەرەكەلىك تورت تارتۋ ەتىلدى. قوناقتار مول داستارحاننان اۋىز ءتيىپ، الاڭقايدا ءبي بيلەدى.
