ەلباسى «جەتىستىكتەر مەن جەڭىستەردىڭ 25 جىلى» اتتى مەرەكەلىك كونسەرتتى تاماشالادى
استانا قالاسى، «استانا وپەرا» وپەرا جانە بالەت تەاترىندا بولعان كونسەرتتە قازاقتىڭ حالىق اندەرى مەن بيلەرىنەن باستاپ، الەمدىك كلاسسيكا تۋىندىلارىنا دەيىنگى ءتۇرلى جانر كورەرمەن نازارىنا ۇسىنىلدى.
مەرەكەلىك كەشكە الەمدىك ساحنا تورىندە ەلىمىزدىڭ اتىن ايگىلەپ جۇرگەن قازاقستاننىڭ بەتكە ۇستار ونەر مايتالماندارى قاتىستى. اتاپ ايتقاندا، ولاردىڭ اراسىندا ايمان مۇساقوجايەۆا، الىبەك دىنىشيەۆ، روزا رىمبايەۆا، بەكبولات تىلەۋحان، مايرا مۇحامەد قىزى، سونداي-اق «استانا وپەرا» وپەرا جانە بالەت تەاترىنىڭ، اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ، «استانا بالەت» تەاترىنىڭ شىعارماشىلىق توپتارى بار.
ۇرپاقتار ساباقتاستىعىنىڭ سيمۆولى رەتىندە ەلىمىزدىڭ ءبىر توپ تالانتتى جاس مۋزىكانتتارى، حالىقارالىق كونكۋرستاردىڭ لاۋرەاتتارى، قازاق ۇلتتىق حورەوگرافيا اكادەمياسى مەن ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ ستۋدەنتتەرى، ءتۇرلى وڭىرلەردەن كەلگەن ءبي انسامبلدەرى دە ساحنا تورىندە ءوز ونەرلەرىن كورسەتتى.
