اقوردانىڭ الدىنداعى تاۋەلسىزدىكتىڭ 25 جىلدىعىنا ارنالعان جازۋ ءالى اياقتالعان جوق - فوتو
«اقوردانىڭ الدىندا ورناتىلعان قۇتتىقتاۋ جازۋعا قاتىستى ايتار بولسام، مەنىڭ بىلۋىمشە، جۇمىس ءالى تولىق اياقتالعان جوق. جازۋدى قۇراستىرۋشىلار ەكى جاققا دا قاراپ تۇراتىن جازۋدى اياقتامايىنشا، ازىرگە جۇمىستى وسىلاي قالدىرعان»، - دەپ جازدى ق. جۇماباي ۇلى ءوزىنىڭ Facebook جەلىسىندەگى پاراقشاسىندا.
ونىڭ ايتۋىنشا، جازۋ اياقتالعاندا، مىنا سۋرەتتەگىدەي ەكى جاققا دا قاراپ تۇرادى. 
ايتا كەتەيىك، ق ر تاۋەلسىزدىگىنىڭ 25 جىلدىعىنا وراي، وسىنداي قۇتتىقتاۋلار قالانىڭ وزگە دە ورىندارىندا ورناتىلعان. جىل باسىنان بەرى ەگەمەندىكتىڭ شيرەك عاسىرلى مەرەيتويىنا ارنالعان سەگىز مىڭ شارا ۇيىمداستىرىلسا، جىل سوڭىنا دەيىن تاعى بەس مىڭنان اسا شارا وتپەك ەكەن. 15 جەلتوقسان كۇنى تاۋەلسىزدىكتىڭ 25 جىلدىعىنا ارنالعان ۇلكەن كونسەرت وتەدى. جالپى، تاۋەلسىزدىكتىڭ مەرەيتويىن تويلاۋ ءۇشىن رەسپۋبليكالىق بيۋدجەتتەن 407 ميلليون تەڭگە بولىنگەن.
اۆتور: كەنجەكەي توقتامۇرات قىزى
