بۇگىن استانادا ق ر تاۋەلسىزدىگىنىڭ 25 جىلدىعىنا ارنالعان كونسەرت وتەدى
دەپ حابارلايدى قازاقپارات استانا اكىمدىگىنىڭ باسپا ءسوز قىزمەتىنە سىلتەمە جاساپ.
مەرەكەلىك كونسەرتتىك باعدارلامانى استانا قالاسى اكىمدىگى مەملەكەتتىك اكادەميالىق فيلارمونياسىنىڭ قازاق وركەسترى ورىندايدى. كوركەمدىك جەتەكشى جانە باس ديريجەرى - ق ر ەڭبەك سىڭىرگەن قايراتكەرى، پروفەسسور ايتقالي جايىموۆ. ديريجەرى - مادەنيەت قايراتكەرى نۇرلان بەكەنوۆ.
بۇل كەشتە قالالىق فيلارمونيانىڭ ەڭ ۇزدىك داۋىستارى ەلوردا تۇرعىندارى مەن قوناقتارىن ءلاززاتقا بولەيدى. اتى اڭىزعا اينالعان قازاقستاندىق كومپوزيتورلار تۇركەشتىڭ، ع. قۇرماناليەۆتىڭ، م. قاناپيانوۆتىڭ، ت. بازاربايەۆتىڭ، ب. تىلەۋحانوۆتىڭ، ت. ءىزتايدىڭ، ن. تىلەنديەۆتىڭ، ك. كۇمىسبەكوۆتىڭ، ا. جايىموۆتىڭ جانە جاس كومپوزيتورلار ارمان جايىم مەن نۇرلان بەكەنوۆتىڭ اندەرىن كلاسسيكالىق، ەسترادالىق جانە حالىقتىق ۆوكال ءبولىمىنىڭ ورىنداۋشىلارى شىرقايدى. قالالىق فيلارمونيا ارتىستەرى كونسەرتتىك باعدارلامادا تىڭدارماندارعا «سالەم ساعان، تۋعان ەل»، «دارحان دالا»، «تۋعان جەر»، «اتامەكەن»، «ۇلى دالا» سىندى وزگە دە كوپتەگەن شىعارمالارىن ۇسىنادى.
