تۇركيا سىرتقى ىستەر ءمينيسترى قازاقستاندىقتاردى تاۋەلسىزدىكتىڭ 25 جىلدىعىمەن قۇتتىقتادى
«بۇگىن ورايى كەلىپ تۇرعاندا قازاقستان حالقىن تاۋەلسىزدىكتىڭ 25 جىلدىعىمەن قۇتتىقتايمىن. ءبىز پرەزيدەنت نۇرسۇلتان نازاربايەۆتىڭ جەتەكشىلىگمەن قازاقستاننىڭ 25 جىل ىشىندە قانداي جەتىستىكتەرگە جەتكەنىن كورىپ وتىرمىز»، - دەدى كەشە الماتىدا قازاقستان- تۇركيا س ءى م كەزدەسۋىنەن كەيىنگى بريفينگتە تۇركيا سىرتقى ساياسات ۆەدومستۆوسىنىڭ باسشىسى ميەۆليۋد چاۆۋشوعلى.
سونىمەن قاتار، ول قازاقستاننىڭ ب ۇ ۇ قاۋىپسىزدىك كەڭەسىنىڭ 2017-2018 -جىلدارعا تۇراقتى ەمەس مۇشەسى بولىپ سايلانۋىمەن دە قۇتتىقتادى.
ءوز سوزىندە ميەۆليۋد چاۆۋشوعلى قازاقستاننىڭ تۇركياداعى مەملەكەتتىك توڭكەرىس جاساماق بولعان اسكەريلەردىڭ وقيعاسىنان كەيىن قازاقستاننىڭ ءبىرىنشى بولىپ قولداۋ كورسەتكەنىن دە اتاپ ءوتتى.
ايتا كەتەيىك، كەشە الماتىدا قازاقستان مەن تۇركيا اراسىنداعى جوعارى دەڭگەيدەگى ستراتەگيالىق ىنتىماقتاستىق كەڭەسى اياسىنداعى ستراتەگيالىق جوسپارلاۋ جونىندەگى بىرلەسكەن توبىنىڭ وتىرىسى ءوتتى. جيىنعا قازاقستان مەن تۇركيا سىرتقى ىستەر مينيسترلەرى ەرلان ىدىرىسوۆ پەن ميەۆليۋد چاۆۋشوعلى قاتىستى.
