تاسماعامبەتوۆ تاۋەلسىزدىكتىڭ 25 جىلدىعىن مەرەكەلەۋ جونىندە كەڭەس وتكىزدى
«ءبىزدىڭ ەلىمىز ءۇشىن تاۋەلسىزدىك ايرىقشا ماڭىزعا يە. بۇل مەرەيتوي ەرەكشە مەرەكە رەتىندە تۇڭعىش پرەزيدەنتىمىزدىڭ جاڭا قازاقستاننىڭ قالىپتاسۋىنا قوسقان قوماقتى ۇلەسىن كورسەتەدى. كەز- كەلگەن مەرەيتويلىق كەزەڭ - بۇل وتكەن جولىمىزدى سارالاپ، بولاشاعىمىزدى باعامداۋعا بەرىلگەن ۇلكەن مۇمكىندىك»، - دەپ اتاپ ءوتتى ي. تاسماعامبەتوۆ.
اتالعان كەڭەس بارىسىندا پرەمەر- ءمينيستردىڭ ورىنباسارى الەۋمەتتىك سالانىڭ ءبىرقاتار وزەكتى ماسەلەلەرىنە توقتالدى. ەلىمىزدىڭ الەۋمەتتىك- ەكونوميكالىق دامۋىنىڭ باسىم باعىتتارىن ايتا كەلە، ۆيسە- پرەمەر ءبىلىم جانە عىلىم، مەديتسينا، مادەنيەت پەن سپورت سالالارىن دامىتۋداعى مىندەتتەردى شەشۋ قاجەتتىگىنە توقتالدى. سونىمەن بىرگە، تاسماعامبەتوۆ كاسىپتىك جانە تەحنيكالىق ءبىلىم بەرۋ جۇيەسىنىڭ بەدەلىن كوتەرۋ قاجەتتىگىنە نازار اۋداردى.
2018 -جىلعى 1 - قاڭتاردان باستاپ، تۇرعىنداردى مىندەتتى الەۋمەتتىك مەديتسينالىق ساقتاندىرۋ جۇيەسىن ەندىرۋ ماسەلەسى دە بايىپتى جۇمىستى قاجەت ەتەدى.
كەڭەستە ەلدەگى رۋحاني- يدەولوگيالىق قالىپتاسۋ ماسەلەسى، مەملەكەتتىك اقپارات ساياساتىنىڭ جاڭا باعدارى مەن «مادەني مۇرا» باعدارلاماسىن ۇستانۋ ماسەلەسى كەڭىنەن تالقىلاندى.
