بىشكەكتە كولىك ءنومىرى 25 مىڭ دوللارعا ساتىلدى

 بىشكەك. قازاقپارات - بىشكەكتە «777 AAA» اۆتوموبيل ءنومىرى 1 ميلليون 716 مىڭ سومعا ساتىلدى.

 بۇل شامامەن 25 مىڭ ا ق ش دوللار كولەمىندە، دەپ حابارلاندى قىرعىز رەسپۋبليكاسى مەملەكەتتىك تىركەۋ قىزمەتىنىڭ سايتىندا.

«باستاپقى باعا  60000 سومدى قۇرادى. اۋكسيونعا قاتىسۋعا 33 ءوتىنىم ءتۇستى، 10 پايىز كولەمىندەگى كەپىلدى جارنانى تولەگەن ولاردىڭ 9-ى عانا ساتىلىمعا قاتىستى. اۋكسيون 15.00-دە باستالىپ، 4 ساعاتقا جالعاستى»، - دەلىنگەن حابارلامادا.

بۇعان دەيىن ەڭ جوعارى باعا «001 ААА» ءنومىرى ءۇشىن ۇسىنىلعان بولاتىن. ول 594 مىڭ سوم نەمەسە 8,5 مىڭ ا ق ش دوللارىنا ساتىلدى.

 ەسكە سالساق، قىرعىزستاندا قىمبات نومىرلەردىڭ ساۋداسى وتكەن اپتادا باستالدى. العاشقى كۇنى 143 ءنومىر ساتىلدى. ولاردىڭ باعاسى 2,7 مىڭنان 5 مىڭ سوم ارالىعىندا بولدى.