يسلام كاريموۆ وزبەكستان حالقىن تاۋەلسىزدىكتىڭ 25 جىلدىعىمەن قۇتتىقتادى
«شىن جۇرەكتەن بارشاڭىزدى، بارشا حالقىمدى وزبەكستاننىڭ مەملەكەتتىك تاۋەلسىزدىگىنىڭ 25 جىلدىعى مەرەكەسىمەن قۇتتىقتايمىن. تاۋەلسىزدىك ءبىزدى توتاليتارلىق جۇيەنىڭ قۇرساۋىنان قۇتقارىپ، ەلىمىزدىڭ سان عاسىرلىق تاريحىنىڭ جاڭا پاراعىن اشتى. بىزگە ەركىن جانە باي- قۋاتتى ءومىر سالتىن قالىپتاستىرۋعا مۇمكىندىك بەردى»، - دەلىنگەن حابارلامادا.
ي. كاريموۆ كەز كەلگەن حالىق، كەز كەلگەن ۇلت تاۋەلسىزدىككە قيىنشىلىقپەن قول جەتكىزەتىنىن اتاپ ءوتتى.
«وسى ساتتە ءوزىن اقتاماعان ەسكى جۇيەدەن جاڭا جۇيەگە كوشكەن كەزدى ەسكە الا وتىرىپ، ءبىز ويشا باستان كەشكەن سول ءبىر اۋىر كۇندەرگە، سىن ساعاتتارعا ورالامىز. سول كەزدەرى ءوزىن- ءوزى قۇرتقان جۇيەنىڭ كەسىرىنەن، اسىرەسە تىرشىلىكتى قامتاماسىز ەتۋ سالاسىندا، رەسپۋبليكادا جاعداي كۇرت ۋشىعىپ، قاۋىپتى سيپات الا باستادى. حالىقتى تاماقتاندىرۋ ءۇشىن قاجەت ۇننىڭ كولەمى 7-10 كۇنگە عانا جەتەتىن مولشەردە ەدى. ءتارتىپ بوساڭسىپ، ءتۇرلى بۇلدىرگىش كۇشتەر باس كوتەرە باستاعان شاقتا ءبىزدىڭ ەلىمىز قۇزدىڭ قيىر شەتىندە قالعانداي بولدى. وسىنداي قيىن- قىستاۋ كۇندەردىڭ وزىندە ءبىز ءوزىمىز بەت تۇزەگەن تاۋەلسىزدىك باعىتىمىزدان جاڭىلمادىق»، - دەپ ەسكە الدى مەملەكەت باسشىسى.
تاۋەلسىزدىك جىلدارىندا وزبەكستان ەكونوميكاسى 6 ەسە ءوستى. ونەركاسىپتىڭ ۇلەسى 14 پايىزدان 34 پايىزعا دەيىن ۇلعايدى. بولىپ جاتقان جاھاندىق قارجى- ەكونوميكالىق داعدارىسقا قاراماستان سوڭعى 11 جىل ىشىندە ەلدىڭ جالپى ىشكى ءونىمى (ج ءى و) كوپتەگەن ەلدەردىڭ قاتارىندا - 8 پايىزدىق دەڭگەيدە (ءوسىم) ساقتالۋدا.
ي. كاريموۆ، سونداي- اق، باسقا مەملەكەتتەردىڭ ىشكى ىستەرىنە باس سۇقپاۋ، پايدا بولعان كەلىسپەۋشىلىكتەردى تەك قانا ساياسي، بەيبىت جولمەن شەشۋ وزبەكستاننىڭ سىرتقى ساياساتىنىڭ نەگىزگى باعىتتارى ەكەندىگىن اتاپ ءوتتى.
