وڭتۇستىك قازاقستان اۋماعىنان مۇزداقتاعى 25 كول تابىلدى
تەڭىز دەڭگەيىنەن 3500 مىڭ مەتر بيىكتىكتە جاتقان ءارتۇرلى كولەمدەگى كولدەر مۇزداقتار ەرىگەننەن كەيىن پايدا بولعان دەيدى توتەنشەلىكتەر. وعان قار مەن جاۋىن- شاشىننىڭ سۋى قۇيىلادى.
مۇزدىقتاعى سەلدىڭ الدىن الۋ ماقساتىندا وبلىستىق توتەنشە جاعدايلار دەپارتامەنتىنىڭ قىزمەتكەرلەرى «قازسەلدەن قورعاۋ» مەكەمەسىنىڭ ماماندارىمەن بىرلەسىپ، تىكۇشاقپەن تاۋ سىلەمدەرىن ارالاپ شىققان.
ءۇش ساعاتقا سوزىلعان ساپار كەزىندە توبەدەن ءاربىر كولدىڭ الىپ جاتقان اۋماعى مەن ونداعى سۋ دەڭگەيى زەرتتەلدى. وگەم شاتقالىنان باستاپ سايرام- سۋ مەن اقسۋ- جاباعلى قورىعىنىڭ اۋماعىنداعى كولدەر مەن مۇزدىقتاردىڭ قازىرگى جاعدايى باقىلانعان. بيىل تاۋدىڭ ۇشار باسىنداعى قالىڭ قار اپتاپتى ىستىقتان ەرتە ەرىپ كەتكەن. سوندىقتان ول كولدەردەن كەلەتىن قاۋىپ جوق. بولاشاقتا ادام ءىزى باسپاعان جەرلەردەگى كولدەردىڭ تەرەڭدىگى مەن سىيىمدىلىعى تەكسەرىلەتىن بولادى دەيدى ماماندار.
www.24.kz
