ءبىلىم جانە عىلىم مينيسترلىگى بارلىق مەكتەپتەردى وقۋلىقتارمەن 25 - تامىزعا دەيىن قامتاماسىز ەتپەك
مينيسترلىكتىڭ حابارلاۋىنشا، بيىل ءبىرىنشى سىنىپتىڭ بارلىق وقۋشىلارى 5 كۇندىك وقىتۋ جۇيەسىنە كوشىرىلىپ، جاڭا باعدارلامانىڭ نەگىزىندە ءبىلىم الا باستايدى. قالعان سىنىپتار بەس كۇندىك وقۋ باعدارلاماسىنا 2019 -جىلعا دەيىن كەزەڭ- كەزەڭىمەن كوشىرىلەدى.
ەلدەگى مەكتەپتەردە ءبىلىم بەرۋدىڭ جاڭارتىلعان باعدارلاماسىنا كەزەڭ- كەزەڭمەن كوشۋ پروتسەسى اياسىندا 1-سىنىپ ءۇشىن جاڭا وقۋلىقتار جاسالدى.
جالپى، بيىل قىركۇيەكتە مەكتەپكە 380 265 بالا ءبىرىنشى سىنىپقا بارادى.
وقۋ جىلىنىڭ ۇزاقتىعى مەكتەپالدى سىنىپتاردا 32 اپتاعا، 1-سىنىپتاردا - 33 اپتاعا، 2-11 - سىنىپتارعا - 34 اپتاعا سوزىلادى.
سونىمەن قاتار مەكتەپتەگى دەمالىس مەرزىمدەرى دە بەكىتىلدى. كۇزگى دەمالىس 7 كۇنگە (31 - قازان مەن 6 - قاراشا ارالىعىندا)، قىسقى 10 كۇنگە (30 - جەلتوقساننان 8 - قاڭتارعا دەيىن)، كوكتەمگى دەمالىس 13 كۇنگە (21 - ناۋرىزدان 2 - ساۋىرگە دەيىن) سوزىلادى.
سونىمەن قاتار مەكتەپالدى سىنىپتىڭ جانە 1-سىنىپ وقۋشىلارى 2017 -جىلدىڭ 1 مەن 7 - اقپان ارالىعىندا 7 كۇن دەمالادى.
جازعى دەمالىستىڭ مەرزىمى مەن ونىڭ ۇزاقتىعى ق ر ب ع م- ءنىڭ 2016/2017 وقۋ جىلىنىڭ اياقتالۋى تۋرالى بۇيرىعىندا كورسەتىلەتىن بولادى.
اۆتور: جاسۇلان جولدىبايەۆ
