ت. تولەشيەۆتىڭ ءىسى بويىنشا 25 ادام قىلمىستىق جاۋاپكەرشىلىككە تارتىلۋدا
«ۇلتتىق قاۋىپسىزدىك كوميتەتى توقتار ءجۇسىپ ۇلى تولەشيەۆكە قاتىستى قىلمىستىق ءىستىڭ نەگىزگى ەپيزودتارىن تەرگەۋدى اياقتادى. وسى ىسكە بايلانىستى 25 ادام قىلمىستىق جاۋاپكەرشىلىككە تارتىلۋدا. تاعى 300 گە جۋىق ادام كۋاگەر رەتىندە ىسكە تارتىلعان» ، - دەپ حابارلانىپ وتىر ۇلتتىق قاۋىپسىزدىك كوميتەتىنىڭ باسپا ءسوز ءماسليحاتى الدىندا تاراتقان اقپاراتىندا.
تەرگەۋ بارىسىندا ت. تولەشوۆتىڭ ءبىرقاتار اۋىر جانە وتە اۋىر قىلمىس جاساعانى دالەلدەنگەن. اتاپ ايتساق، وعان قىلمىستىق كودەكستىڭ 125, 126, 179, 182, 192, 262, 265, 266, 268, 287, 296 جانە 367 باپتارى بويىنشا، سونداي- اق قىلمىستىق كودەكستىڭ 1997 -جىلعى رەداكسياسىنداعى 96, 107 جانە 187 باپتارى بويىنشا ايىپ تاعىلىپ وتىر.
ۇلتتق قاۋىپسىزدىك كوميتەتى ءمالىم ەتكەندەي، ت. تولەشوۆ ترانسۇلتتىق قىلمىستىق توپتى قارجىلاندىرىپ، تۇراقتى تۇردە قارۋلانعان توپتى قۇرعان جانە ونى باسقارعان.
«ت. تولەشيەۆ باسقارعان قىلمىستىق توپ ونىڭ بۇيرىعىمەن ادام ءولتىرۋ، ادام ولتىرۋگە ارەكەت جاساۋ، ادامدى زاڭسىز ۇرلاپ، ونى بوستاندىعىنان ايىرۋ، قورلاۋ، ۇرىپ- سوعۋ، بىرەۋدىڭ مۇلكىن ادەيى جويۋ ىستەرىمەن اينالىسقان» ، - دەپ حابارلادى باسپا ءسوز قىزمەتى.
تەرگەۋ انىقتاعانداي، ت. تولەشيەۆ پەن ونىڭ ءبىراز سىبايلاستارى الەۋمەت اراسىندا شۋ شىعارىپ، جاپپاي تارتىپسىزدىك پەن نارازىلىق شارالارىن ۇيىمداستىرۋ ارقىلى بيلىكتىڭ كۇشپەن باسىپ الۋعا دا ارەكەت ەتكەن.
اۆتور: كەنجەكەي توقتامۇرات قىزى