د ا ي ش سودىرلارى رەسەيلىك مي-25 تىكۇشاعىن اتىپ ءتۇسىردى: ەكى پيلوت قازا تاپتى - كەسكىن
ەكەۋى دە قازا تاپتى. وقيعا 8- شىلدەدە پالميرا ماڭىنداعى حومس ەلدى مەكەنىندە بولدى، - دەپ حابارلايدى «روسسيا-24» تەلەارناسى رەسەيدىڭ قورعانىس مينيسترلىگىنە سىلتەمە جاساپ.
اسكەري ۇشقىش- ينسترۋكتور - پولكوۆنيك ريافاگات حابيبۋلين مەن ۇشقىش- وپەراتور، لەيتەنانت ەۆگەني دولگين سيريالىق قولباسشىلىقتان دايش سودىرلارىن اتقىلاۋعا سۇرانىس العان. بۇل ۋاقىتتا پالميرانىڭ شىعىسىندا سودىرلاردىڭ جاساعى سيريالىق اسكەريلەرگە شابۋىل جاساپ جاتقان.
«ەكيپاج كومانديرى ريافاگات حابيبۋلين لاڭكەستەرگە شابۋىل جاساۋ تۋرالى شەشىم قابىلدادى. رەسەيلىك ەكيپاجدىڭ ساۋاتتى ءىس-ارەكەتتەرىنىڭ ارقاسىندا لاڭكەستەردىڭ شابۋىلى توقتادى. اتىس جيىندىعى تاۋسىلعاننان كەيىن كەرى قاراي بۇرىلىپ جاتقاندا تىكۇشاقتى جەردەن لاڭكەستەر اتىپ ءتۇسىردى، ءسويتىپ، تىكۇشاق سيريالىق ۇكىمەتتىك اسكەرىنىڭ باقىلاۋىنداعى ايماققا قۇلادى. تىكۇشاق ەكيپاجى قازا تاپتى»، - دەپ حابارلادى ۆەدومستۆو وكىلدەرى.
قازا بولعان پيلوتتار مەملەكەتتىك ناگرادالارعا ۇسىنىلدى.
RT تەلەارناسىنىڭ مالىمەتىنشە، رەسەيلىك مي-25 ا ق ش- تا شىعارىلعان تانك اتاتىن TOW زىمىرانعا قارسى كەشەنىمەن اتىپ تۇسىرىلگەن. بۇل قارۋ سيرياعا 2013-جىلدان بەرى جەتكىزىلىپ جاتىر، بۇل كەشەندى ا ق ش قانا ەمەس، پارسى شىعاناعىنداعى ەلدەر دە وندىرەدى ەكەن.
سيريادا قازا تاپقان ۇشقىش ريافاگات حابيبۋلين ءۇش سوعىسقا قاتىسىپ، اۋىر جاراقات العان، الايدا قىزمەتتەن كەتكىسى كەلمەپتى.
ال سەنبى كۇنى اراب ب ا ق- تارى رەسەيلىك تىكۇشاققا جاسالعان شابۋىل بەينەلەندى دەپ ءبىر ۆيدەوجازبانى جاريالادى. الايدا كادرلاردان تىكۇشاقتىڭ ماركاسىن، وقيعانىڭ قايدا جانە قاشان بولعانىن انىقتاۋ مۇمكىن ەمەس.
ايتا كەتەيىك، سيرياداعى اسكەري وپەراتسيالار باستالعالى بەرى رەسەيلىك اسكەريلەر وسىمەن ەكى تىكۇشاقتان ايىرىلدى. 12- ساۋىردە رەسەيلىك مي- 28 ن حومس اۋدانىندا قۇلاعان بولاتىن. ەكى ۇشقىش تا قازا تاپقان. ال تاعى ءبىر مي-8 تىكۇشاعى 24- قاراشادا سۋ-24 بومبالاۋشى ۇشاعىنىڭ ەكيپاجىن قۇتقارۋ بويىنشا وپەراتسيا كەزىندە جوعالعان ەدى. ايتا كەتەيىك، سۋ-24 بومبالاۋشىسىن تۇركيانىڭ جويعىشتارى اتىپ تۇسىرگەن بولاتىن.
tengrinews.kz