بوكس فەدەراتسياسى كۋبوگىنىڭ بيىلعى جۇلدە قورى - 25 ميلليون تەڭگە - فوتو

استانا. قازاقپارات - بۇگىن استانادا قازاقستان بوكس فەدەراتسياسىنىڭ كۋبوگى ءۇشىن وتەتىن VII ماۋسىمدىق جارىستاردىڭ جەرەبەسى تارتىلدى.

16 وبلىس، استانا جانە الماتى قالالارىنىڭ كوماندالارى ءتورت توپقا ءبولىنىپ، جارىس وتكىزەتىن وبلىستار مەن قالالار بەلگىلى بولدى.

ايتا كەتەيىك، جەرەبەنى وليمپيادا چەمپيونى سەرىك ساپيەۆ پەن الەم چەمپيونى دانيار ەلەۋسىنوۆ تارتتى.

 «بارلىق كوماندالار مىقتى. ءبىراق، ەڭ مىقتىلارى جەڭىسكە جەتەدى. بيىلعى كۋبوكتىڭ ەرەكشەلىگى - جەڭىمپاز كومانداعا 25 ميلليون تەڭگە بەرىلەدى. ياعني، كۋبوكتىڭ بيىلعى جۇلدە قورى 25 ميلليون تەڭگەنى قۇرايدى جانە ونى ءبىرىنشى ورىن العان كوماندا عانا الادى. كەلەسى جىلى جۇلدە قورىن العاشقى ءۇش ورىن العان كومانداعا ءبولۋ ماسەلەسىن قاراستىرامىز»، - دەدى جەرەبە تارتىلىپ بىتكەن سوڭ، جۋرناليستەرمەن اڭگىمەلەسكەن قازاقستان بوكس فەدەراتسياسى ۇلتتىق قۇراما كوماندالارىنىڭ كوورديناتورى، ق ر مەملەكەتتىك جاتتىقتىرۋشىسى بولات ءابدىراحمانوۆ.

 جالپى، جەرەبەگە تۇسكەن ايماقتار مەن ەكى قالانىڭ كوماندالارى ءتورت «كورزيناعا» بولىنگەن. ءبىرىنشى كورزيناداعى و ق و، استانا قالاسى، الماتى وبلىسى مەن ماڭعىستاۋ وبلىسىنىڭ كوماندالارى ەڭ مىقتىلار دەپ سانالدى. ەكىنشى سەبەتتەگى جامبىل وبلىسى، الماتى قالاسى، قاراعاندى وبلىسى مەن اقمولا وبلىسىنىڭ كوماندالارى جەڭىسى كوپ كوماندالار قاتارىنان تابىلدى. ءۇشىنشى كورزيناداعى اتىراۋ وبلىسى، پاۆلودار وبلىسى، ش ق و مەن  قىزىلوردا وبلىسىنىڭ كوماندالارى ورتاشا جەتىستىكتەرى بار كوماندالار بولىپ سانالدى. ءتورتىنشى كورزينا - اۋتسايدەرلەر ەدى، ياعني، س ق و، قوستاناي وبلىسى، ب ق و مەن اقتوبە وبلىسىنىڭ كوماندالارى اۋتسايدەرلەرگە قوسىلعان.

 ال، سەرىك ساپيەۆ پەن دانيار ەلەۋسىنوۆ تارتقان جەرەبە قاعازدارىنا ساي، وسى كوماندالار «ا»، «س»، «ۆ» جانە «D» توپتارىنا ءبولىندى.

 سونىمەن، الماتى وبلىسى، شىعىس قازاقستان وبلىسى، سولتۇستىك قازاقستان وبلىسى مەن الماتى قالاسىنىڭ كوماندالارى «ا» توبىنا ءتۇستى.

 ماڭعىستاۋ وبلىسى، جامبىل وبلىسى، پاۆلودار وبلىسى مەن اقتوبە وبلىسى «B» توبىندا بوكستاساتىن بولدى.

 «س» توبىندا قاراعاندى وبلىسى،  قىزىلوردا وبلىسى، قوستاناي وبلىسى مەن استانا قالالارىنىڭ كوماندالارى كۇش سىناسادى.

 وڭتۇستىك قازاقستان وبلىسى، اقمولا وبلىسى، اتىراۋ وبلىسى مەن باتىس قازاقستان وبلىسىنىڭ كوماندالارى «D» توبىنا جايعاستى.

 «ا» توبىنداعى كوماندالاردىڭ جارىسى تالدىقورعان قالاسىندا وتەتىن بولدى.

«ۆ» توبىنىڭ كوماندالارى اقتاۋدا، «س» توبىنداعى كوماندالار قىزىلوردادا، D توبىنىڭ كوماندالارى كوكشەتاۋ قالاسىندا بوكستاسادى. جارىستىڭ شيرەك فينالى 8-11 -قىركۇيەك ارالىعىندا، جارتىلاي فينالى مەن فينالى 14-15 -جەلتوقسان كۇنى وتەتىنى بەلگىلى بولدى.

    

اۆتور: كەنجەكەي توقتامۇرات قىزى