قازاقستاندا سوڭعى ەكى جىلدا تەمەكى نارىعىنىڭ كولەمى 25 پايىزعا تومەندەدى - ج. سادىقوۆا - فوتو
بۇل تۋرالى بۇگىن الماتىدا وتكەن باسپا ءسوز ءماسليحاتى بارىسىندا «تەمەكى تۇتىنىنەن ازات قازاقستان ءۇشىن» ۇلتتىق كواليتسيانىڭ كوشباسشىسى ءجاميلا سادىقوۆا ءمالىم ەتتى.
«تەمەكى ونىمدەرى ساتىلىمىنىڭ سوڭعى ەكى جىلدا 25 پايىزعا تومەندەپ كەتۋى بىرنەشە فاكتورلارعا بايلانىستى بولىپ وتىر. مىسالى، قوعامدىق ورىنداردا تەمەكى شەگۋگە تىيىم سالىنۋى جانە تەمەكى قوراپتارىنا قورقىنىشتى سۋرەتتەردىڭ باسىلۋى بۇعان ەلەۋلى اسەر ەتتى. ال وسى جەردە قورقىنىشتى سۋرەتتەردىڭ اسەرى قالاي بولدى؟ ول ءۇشىن اۋقىمدى زەرتتەۋ جۇرگىزۋ قاجەت. ءبىراق، تايلاندتىق تاجىريبەگە سۇيەنۋگە بولادى. ويتكەنى، ءبىز قازاقستاندا 2012 -جىلى تەمەكىنىڭ زياندىلىعى تۋرالى قورقىنىشتى سۋرەتتەردى ەنگىزگەندە ءدال وسى تايلاندتىق تاجىريبەنى باسشىلىققا العانبىز. سونىمەن، تەمەكى قوراپتارىنا جاڭا قورقىنىشتى سۋرەتتەر باسىلعان كەزدە، تەمەكى شەگۋشىلەردىڭ 4 پايىزى، ياعني جاڭادان تەمەكىگە اۋەستەنىپ جۇرگەندەر سول مەزەتتە تەمەكىنى تاستاپ كەتەدى. ال 20 پايىزى ءۇش جىل ىشىندە تاستايدى. سالاۋاتتى ءومىر سالتىن قالىپتاستىرۋ پروبلەمالارى ۇلتتىق ورتالىعىنىڭ دەرەكتەرى بويىنشا قازاقستاندا سوڭعى 4 جىل ىشىندە تەمەكى شەگۋشىلەر قاتارى 6 پايىزعا ازايعان»، - دەدى ج. سادىقوۆا.
ءوز كەزەگىندە الماتى قالالىق سالاۋاتتى ءومىر سالتىن قالىپتاستىرۋ ورتالىعىنىڭ ديرەكتورى گالينا بۋلىگينا تەمەكىگە اۋەس الماتىلىقتار قاتارىنىڭ دا ازايىپ جاتقاندىعىن جەتكىزدى.
«الماتىدا ءدال قازىرگى تاڭدا ەرەسەك تۇرعىنداردىڭ 14 پايىزدان استامى تەمەكى شەگەدى. ولاردىڭ قاتارى بىرتىندەپ ازايىپ جاتىر. ەگەر 2014 -جىلى تۇرعىنداردىڭ 18,2 پايىزى تەمەكى شەككەن بولسا، وتكەن جىلى بۇل كورستكىش 17 پايىزعا ءتۇستى»، - دەدى گ. بۋلىگينا.
اۆتور: ايبوتا جاپپاربەرگەن
