ورالماندار جەردى 25 جىلعا جالعا الا الادى
بۇل تۋرالى بۇگىن دوڭگەلەك ۇستەل بارىسىندا استانا قالاسى مامانداندىرىلعان ەكونوميكالىق سوتىنىڭ سۋدياسى گۇلنار ابدراحمانوۆا ءمالىم ەتتى.
ونىڭ ايتۋىنشا، جەر كودەكسىندە ورالماندارعا جەردى 25 جىلعا جالعا بەرۋ قۇقىعى تۋرالى ارنايى نورما قاراستىرىلعان.
«ورالماندارعا اۋىل شارۋاشىلىعى ءوندىرىسىن، اۋىل شارۋاشىلىعى جانە فەرمەرلىك شارۋاشىلىقتى جۇرگىزۋ ءۇشىن جەر ۋچاسكەلەرى 25 جىلعا ۋاقىتشا پايدالانۋعا (جالعا) بەرۋ قۇقىعى قاراستىرىلعان»، - دەپ اتاپ ءوتتى گ. ابدراحمانوۆا.
سۋديانىڭ ءمالىم ەتكەنىندەي، جەر شەتەل ازاماتتارىنا ساتىلمايدى. ول - تەك ق ر ازاماتتارىنا بەرىلەتىن قۇقىق.
«اۋىل شارۋاشىلىعىنا ارنالعان جەرلەر ق ر ازاماتتارىنا جانە زاڭدى تۇلعالارىنا جەكەمەنشىككە اۋكتسيون ارقىلى ساتىلادى. جەر ۋچاسكەسىن ونىڭ كاداسترلىق قۇنىنىنىڭ 50 پايىزىنان تومەن ساتۋعا رۇقسات بەرىلمەيدى. سونىمەن قاتار ق ر ازاماتتارى مەن زاڭدى تۇلعالارىنىڭ مەنشىگىندەگى جالدا تۇرعان جەر ۋچاسكەلەرىن ساتىپ الۋ ءۇشىن جەڭىلدىكتەر بەرىلەدى. اتالعان نورما قازىرگى جەر پايدالانۋشىلاردىڭ مۇددەلەرىن ەسكەرەدى. بۇرىن ولارعا بەرىلگەن اۋىل شارۋاشىلىق جەر ۋچاسكەلەرى جالعا بەرۋ مەرزىمى اياقتالعانعا دەيىن، جەڭىلدىك باعامەن جەكە مەنشىككە ساتىپ الۋعا قۇقىق بەرىلەدى، ياعني جەردىڭ كاداسترلىق قۇنىنىڭ 50 پايىزى مولشەرىمەن 10 جىل مەرزىمگە دەيىن ءبولىپ تولەۋ مۇمكىندىگى قاراستىرىلعان»، - دەپ اتاپ ءوتتى سۋديا.
ايتا كەتەيىك، ۇلت جوسپارى 100 ناقتى قادام شەڭبەرىندە 35-36 -قادامدارىن جۇزەگە اسىرۋ ماقساتىندا جەر كودەكسىنە وزگەرىستەر مەن تولىقتىرۋلار ەنگىزىلگەن بولاتىن. جەر كودەكسىنىڭ جاڭا نورمالارى بىلتىر قاراشا ايىندا قابىلداندى. ال 2016 -جىلدىڭ 1 -شىلدەسىندە ول قولدانىسقا ەنەدى.
اۆتور: جاسۇلان جولدىبايەۆ
