ۇلتتىق ارنادا 25- اقپاننان باستاپ،«التىن ۇيا» اتتى جاڭا تەلەحيكايا كورەرمەنگە جول تارتپاق
سيۋجەتتىڭ باستى ماقساتى - ءبىر اۋىلدا بەيبىتشىلىك پەن كەلىسىمدە تۇراتىن ءتۇرلى ۇلت وكىلدەرىنىڭ كۇندەلىكتى ءومىر تىرشىلىگىن كورسەتۋ. سەريالدا تاۋەلسىز قازاقستاننىڭ قالىپتاسۋ كەزەڭدەرىنەن بۇگىنگى كۇنگە دەيىنگى كورىنىستەر كورسەتىلگەن.
كينوتۋىندىنىڭ باس قاھارماندارى - قاراتايەۆتار وتباسى. وسى وتباسىنىڭ اينالاسىندا ءتۇرلى ۇلت وكىلدەرى بىرىگەدى.
وتاعاسى تۇرعامبايدىڭ ءرولىن تانىمال اكتەر نۇرجۇمان ىقتىمبايەۆ بايجۇمان ۇلى، ال ونىڭ ايەلىن اكتريسا رايحان ايتقوجانوۆا سومدايدى.
ولار ءوز ومىرلەرىن تۇگەلدەي تەمىر جول سالاسىنا ارناعان جاندار.
كينوكارتينادا ماڭىزدى ءرولدىڭ ءبىرىن دارىگەر يۋري تسوي وينايدى. سونداي-اق، اۋىلداستارىن جارىقتىڭ جوقتىعىنان ساقتاپ قالعان جانە الەمدەگى بارلىق وقيعالاردان حاباردار بولۋ ءۇشىن «كەڭەستىك» كەزەڭ قۇلاعان كەزدە ەلەكتروگەنەراتور ويلاپ تاپقان ونەرتاپقىش اندرەي گيبنەر تۇلعاسىندا يننوۆاتسياعا دا ورىن بەرىلەدى. العىر كاسىپكەر ىسمايىلدىڭ ارقاسىندا اۋىلدا ساۋدا-ساتتىق وركەندەيدى. جاس قازاقستاننىڭ قالىپتاسۋىنا ءوز ۇلەسىن ۆالەنتينا فەدوروۆنا دا قوسادى، كەيىننەن ول قازاقستان حالقى اسسامبلەياسىنىڭ مۇشەسى بولادى.
سەريالدا ماحاببات پەن ءتۇڭىلۋ، جاقسىلىق پەن زۇلىمدىق قاتار جۇرەدى. الايدا حيكايا قاھارماندارى ىنتىماق پەن بىرلىكتىڭ ارقاسىندا، قوعام مەن مەملەكەتكە پايدا تيگىزۋ ماقساتىمەن بارلىق قيىندىقتارعا توتەپ بەرىپ، العا قويعان اسقاق ارماندارىنا قول جەتكىزەدى.
تۋىندىنىڭ قويۋشى رەجيسسەرى - ەرجان رۇستەمبەكوۆ، قويۋشى وپەراتور - نيكولاي رابوتياگوۆ، قويۋشى سۋرەتشى - مارات يمانبەرگەن، پروديۋسەرى - قۇرالاي اناربەكوۆا. سونىمەن قوسا سەريال اكتەرلەرىنىڭ جۇلدىزدى قۇراماسىن دا ايتا كەتكەن ءجون - باقىت يسابەكوۆا، باۋىرجان سۇراپبايەۆ، بەيبارىس وتەۋىل، تاتيانا زاۆودوۆسكايا، الەكساندر لۋكاشيەۆيچ، اننا ستارچەنكو، سەرجان امانكۋلوۆ، الەكسەي پريماچوك، دميتري يۋگاي، الەكساندر لاۆروۆا، لازيز يسامەتوۆ.
«التىن ۇيا» كوپ سەريالى كوركەم فيلمىن 25- اقپاننان باستاپ، دۇيسەنبى مەن بەيسەنبى ارالىعىندا ساعات 21:05 تە كورسەتىلەدى.
